మోస్ట్ వాంటెడ్ పాన్ ఇండియా మల్టీస్టారర్స్ లో ‘ఎన్టీఆర్ – హృతిక్ రోషన్’ కలయికలో రాబోతున్న ‘వార్ 2’ సినిమా ఒకటి. అయితే, ఈ సినిమాకు సంబంధించి ఎలాంటి వార్త వచ్చినా నెట్టింట తెగ వైరల్ గా మారుతుంది. ప్రస్తుతం ఈ సినిమా చిత్రీకరణ శరవేగంగా జరుగుతోంది. ఐతే, లేటెస్ట్ బజ్ ప్రకారం, వచ్చే షెడ్యూల్ లో ఈ సినిమా ఇంటర్వెల్ సీక్వెన్స్ ప్లాన్ చేస్తున్నట్లు తెలుస్తుంది.
ఈ సీక్వెన్స్ కోసం ప్రత్యేకంగా ఓ భారీ టెంపుల్ సెట్ వేయనున్నట్లు సమాచారం. ఈ సీక్వెన్స్ ఈ సినిమా మొత్తానికే మెయిన్ హైలెట్ గా నిలుస్తుందని, ఈ సీక్వెన్స్ పూర్తిగా ‘ఎన్టీఆర్ – హృతిక్ రోషన్’ల పైనే ఉంటుందనిసమాచారం.
దర్శకుడు అయాన్ ముఖర్జీ, కేవలం ‘ఎన్టీఆర్ – హృతిక్ రోషన్’ ఫ్యాన్స్ కోసమే స్పెషల్ గా ఈ సీక్వెన్స్ ను రూపొందించారంట. పైగా ఎన్టీఆర్ – హృతిక్ రోషన్ కలయిక అనగానే ఆడియన్స్ లో కూడా భారీగా అంచనాలు పెరిగాయి.
‘వార్ 2’ కథ విషయానికి వస్తే.. హృతిక్ రోషన్ పాత్రకు దీటుగా ఎన్టీఆర్ పాత్ర ఉండనుందని తెలుస్తుంది. పైగా ‘వార్ 2’ అనేది యాక్షన్ ఫిల్మ్. నిర్మాత ఆదిత్య చోప్రా ఈ చిత్రాన్ని నిర్మిస్తున్నారు. ఇక ఈ చిత్రాన్ని బాలీవుడ్ దర్శకుడు అయాన్ ముఖర్జీ తెరకెక్కిస్తున్న సంగతి తెలిసిందే.
