సీనియర్ ఎన్టీఆర్ సినీ వజ్రోత్సవం ఏడాదిలోనే… కథానాయకుడిగా బాలయ్య బాబు కూడా యాభై సంవత్సరాలు పూర్తి చేసుకుని స్వర్ణోత్సవం జరుపుకుంటున్నారు. ఇదే విషయం పై బాలయ్య స్పందిస్తూ ఓ పోస్ట్‌ని అభిమానులతో పంచుకున్నారు. ఆ పోస్ట్ లో ఏముందంటే.. ‘నేను నిత్యం స్మరించే పేరు.. నా గురువు, దైవం, స్ఫూర్తి మా నాన్న తారక రాముడు
. ఆయన ‘మనదేశం’ సినిమాతో ఎంట్రీ ఇచ్చి ఈనెల 24తో 75 ఏళ్లు నిండాయి. ఈ సంవత్సరమే నేను నటుడిగా దిగ్విజయంగా యాభయ్యేళ్లు పూర్తి చేసుకున్నా, ఇది నా పూర్వజన్మ అదృష్టం ’ అని బాలయ్య అన్నారు.
‘నాన్న నుంచి నన్ను, నా కుటుంబ సభ్యులను ఆదరిస్తున్న నా అభిమానులకి, ప్రేక్షక దేవుళ్లకు నా సినీ ప్రయాణంలో నాకు అడుగడుగునా సహకరించిన చిత్ర పరిశ్రమ వర్గాలకి ప్రత్యేక కృతజ్ఞతలు’’ అంటూ బాలయ్య తన పోస్ట్ లో రాసుకొచ్చారు.
ఇక సినిమాల విషయానికి వస్తే.. బాలయ్య – దర్శకుడు బాబీ కాంబోలో “డాకు మహారాజ్” సినిమా రాబోతుంది. ‘డాకు మహారాజ్’ సంక్రాంతి కానుకగా జనవరి 12న గ్రాండ్ విడుదలకు సిద్దంగా ఉంది.
