సూపర్ ట్విస్ట్ ఇచ్చిన సూపర్ స్టార్! టాలీవుడ్ సూపర్ స్టార్ మహేష్ బాబు హీరోగా ఇప్పుడు పాన్ ఇండియా టాప్ డైరెక్టర్‌ ఎస్ ఎస్ రాజమౌళితో ఇండియాస్ బిగ్గెస్ట్ ప్రాజెక్ట్ చేయబోతున్న సంగతి తెలిసిందే. మహేష్ కెరీర్ లో 29వ సినిమాగా చేస్తున్న ఈ సినిమాపై ప్రపంచ వ్యాప్తంగా మంచి హైప్‌ అయితే క్రియేట్‌ అయ్యింది.
ఇక ఈ సినిమా కోసం అభిమానులు ఎంతో ఆసక్తిగా ఎదురు చూస్తుండగా ఈ ప్రాజెక్ట్ కోసం మహేష్ బాబు ఎలా మారుతూ వచ్చాడో ప్రత్యేకంగా చెప్పాల్సిన అవసరం లేదు. బాడీ సహా తన జుట్టు గడ్డంని కూడా మహేష్ బాబు మునుపెన్నడూ లేని విధంగా మార్చేశాడు. అయితే ఇన్ని రోజులూ ఫుల్ గడ్డం లోనే కనిపించిన మహేష్ బాబు ఇపుడు సడెన్ గా పెద్ద ట్విస్ట్ ఇచ్చాడు.
గడ్డం మొత్తం తీసేసి ట్రిమ్ లుక్ లో కనిపించడం అభిమానుల్ని ఫుల్ షాక్‌ కి గురి చేస్తుంది. దీంతో సడెన్ గా మార్చేయడం ఏంటి అని టాక్ అభిమానుల్లో కూడా మొదలైంది. ఓ ప్రీ వెడ్డింగ్ వేడుకలకు మహేష్ హాజరైన పిక్స్ ఇపుడు వైరల్ గా మారడంతో ఫ్యాన్స్ లో ఈ టాక్ నడుస్తుంది. మరి సినిమా ఈ లుక్ తోనే స్టార్ట్ చేస్తారు ఏమో చూడాల్సిందే.
