నందమూరి నట సింహం నందమూరి బాలకృష్ణ హీరోగా రూపుదిద్దుకుంటున్న సాలిడ్ ప్రాజెక్ట్‌ డాకు మహారాజ్‌.ఈ సినిమా కోసం అభిమానులు కూడా ఎంతో ఆసక్తిగా ఎదురు చూస్తున్నారు. ఈ సినిమాతో పాటు బాలయ్య ఓటిటిలో కూడా తన సాలిడ్ ఎంటర్టైనింగ్ షో “అన్ స్టాప్పబుల్” సీజన్ 4 ని ఆహా లో చేస్తున్న సంగతి తెలిసిందే. మరి ఇందులో లేటెస్ట్ గా ఐకాన్ స్టార్ అల్లు అర్జున్ తో ఓ క్రేజీ ఎపిసోడ్ ని కూడా మేకర్స్ వినూత్నంగా ప్లాన్ చేశారు.
అయితే ఈ ఎపిసోడ్ ని మొత్తం రెండు భాగాలుగా ప్లాన్ చేయగా ఇపుడు ఈ ఎపిసోడ్ తాలూకా తేదీ ని ఆహా వారు విడుదల చేశారు. ఈ ఎపిసోడ్ ని ఈ నవంబర్ 22న స్ట్రీమింగ్ కి తీసుకురానున్నారు. దీని పై ప్రోమోను కూడా ఇపుడు తాజాగా ప్రేక్షకుల ముందుకు తీసుకుని రాగా ఈ ప్రోమో కూడా అదిరిపోయింది అని చెప్పాలి.
అయితే ఈ ఎపిసోడ్ లో బన్నీ ఇద్దరు పిల్లలు అయాన్, అర్హలు హాజరయ్యారు. మరి ఇందులో అల్లు అర్హ మాత్రం అందరికీ షాకిచ్చింది చెప్పాల్సిందే. అచ్చ తెలుగులో గుక్క తిప్పుకోకుండా చెప్పిన పద్యం వింటే ఆ విజువల్ అలా చూస్తూనే ఉండిపోతారు. దీనికి బాలయ్య కూడా ఒకింత సర్ప్రైజ్ అయ్యి అర్హ ని మెచ్చుకున్నారు.
ఇక ఇది కాకుండా పుష్ప 2 కోసం పలు ఇంట్రెస్టింగ్ అంశాలు అలాగే బన్నీ అల్లు అయాన్ పై మంచి ఫన్నీ మూమెంట్స్ తో సాలిడ్ ఎంటర్టైనింగ్ గా ఈ ప్రోమో ఉందని తెలుస్తుంది. ఇక ఈ 22న వచ్చే ఎపిసోడ్ ఎలా ఉంటుందో చూడాల్సిందే.
