జాతీయ నటుడు అల్లు అర్జున్ తాజాగా నటిస్తున్న సినిమా ‘పుష్ప-2’ ఈ డిసెంబర్ 5న గ్రాండ్ విడుదలకు రెడీ అవుతోంది. దర్శకుడు సుకుమార్ ఈ చిత్రాన్ని తనదైన మార్క్ పూర్తి యాక్షన్ ఎంటర్‌టైనర్‌గా రూపొందిస్తున్నారు. ఈ సినిమాతో అల్లు అర్జున్ మరోసారి ఇండియన్ బాక్సాఫీస్‌ను షేక్ చేసేందుకు రెడీ అవుతున్నాడు. ఈ సినిమా ట్రైలర్‌ను నవంబర్ 17న లాంచ్ చేయబోతున్నట్లు మేకర్స్ ఇప్పటికే వెల్లడించారు.
అయితే, ఈ ట్రైలర్ లాంచ్‌ను పాట్నా నగరంలో నిర్వహిస్తున్నట్లు కూడా వారు ఇప్పటికే ప్రకటించారు. కాగా, ఈ ట్రైలర్ లాంచ్ ఈవెంట్‌కి టైమ్‌ని ఫిక్స్ చేశారు. నవంబర్ 17న పాట్నాలోని గాంధీ మైదాన్‌లో సాయంత్రం 5 గంటల నుండి ఈ గ్రాండ్ ఈవెంట్‌ని నిర్వహించేందుకు మేకర్స్ రెడీ అయ్యారు. ఈ ఈవెంట్‌కి ఫ్యాన్స్ పెద్ద సంఖ్యలో హాజరవుతారని తెలుస్తోంది.
ఇక ఈ సినిమాలో రష్మిక హీరోయిన్‌గా నటిస్తోండగా ఫహద్ ఫాజిల్, సునీల్, అనసూయ తదితరులు ఇతర ముఖ్య పాత్రల్లో యాక్ట్‌ చేస్తున్నారు. దేవిశ్రీ ప్రసాద్ సంగీతం అందిస్తున్న ఈ సినిమాను మైత్రీ మూవీ మేకర్స్ వారు భారీ బడ్జెట్‌తో సమర్పిస్తున్నారు.
