తాజాగా టాలీవుడ్ సినిమా కొట్టిన రీ సౌండింగ్ సూపర్ హిట్ సినిమాల్లో “క” మూవీ కూడా ఒకటి. యువ హీరో కిరణ్ అబ్బవరం నటించిన ఈ సినిమాలో నయన్ సారిక హీరోయిన్ గా చేసిన సంగతి తెలిసిందే.
ఇక ఈ సినిమా దీపావళి కానుకగా వచ్చి ఒక బ్లాస్టింగ్ హిట్ అందుకుంది. ఇలా సాలిడ్ హైప్ లో నిలిచిన ఈ సినిమా మంచి వసూళ్లు రాబట్టి అదరగొట్టగా మేకర్స్ అయితే ముందు పాన్ ఇండియా విడుదలకి ప్లాన్‌ చేసిన సంగతి తెలిసిందే.
కానీ పలు కారణాలు చేత ఇది ఏకకాలంలో సాధ్యం కాలేదు. మొదట తెలుగులో వచ్చిన ఈ సినిమా సూపర్ హిట్ టాక్ ని అందుకుని ఇతర భాషల్లో విడుదలకి రెడీ అయ్యింది. హిందీ, మళయాళం, తమిళ్ భాషల్లో విడుదలకి రెడీగా ఉంది.
మరి వీటిలో మళయాళ వెర్షన్ ఈ నవంబర్ 15న విడుదల కానుండగా… మిగతా రెండు భాషల్లో నవంబర్ 22న “క” థియేటర్స్ లో సందడి చేయనున్నట్టుగా సమాచారం. ఇక ఈ చిత్రానికి సందీప్, సుజీత్ లు దర్శకత్వం వహించగా క ప్రొడక్షన్స్ వారు నిర్మించారు.
