ప్రభాస్ ‘ది రాజా సాబ్’తో పాటు హను రాఘవపూడి డైరెక్షన్‌ లో మరో సినిమాలోనూ యాక్ట్‌ చేస్తున్నాడు. అలాగే, సందీప్ రెడ్డి వంగా సినిమాను కూడా చేస్తున్నాడు. హై ఓల్టేజ్ యాక్షన్‌తో రూపొందనున్న ఈ సినిమాకి ‘స్పిరిట్’ అనే టైటిల్ ఖరారు చేశారు.
అయితే, ఈ సినిమాలో నయనతార హీరోయిన్‌గా చేస్తుందనే వార్తలు గతంలో చాలా వినిపించాయి. తాజాగా ఈ న్యూస్ నిజమే అంటూ మళ్లీ ఈ రూమర్ వైరల్ గా మారింది. ఇప్పటికే ఈ సినిమాకి సంబంధించిన స్క్రిప్ట్ ని కూడా దర్శకుడు నయనతారకు వినిపించినట్లు తెలుస్తుంది.
మరి నయనతార ఈ సినిమాలో ప్రభాస్ సరసన కనిపిస్తే సినిమా పై బజ్ మరింతగా హైరేంజ్ లో ఉంది. గతంలో 2007లో ప్రభాస్, నయనతార ‘యోగి’ మూవీలో యాక్ట్‌ చేసిన సంగతి తెలిసిందే. ఇప్పుడు ‘స్పిరిట్’లో కలిసి నటిస్తే.. 17 ఏళ్ల తర్వాత మళ్లీ కలిసి నటించినట్టు అవుతుంది. హర్షవర్ధన్ రామేశ్వర్ సంగీతం అందిస్తున్న ఈ సినిమాని టి-సిరీస్ , భద్రకాళి పిక్చర్స్ భారీ స్థాయిలో నిర్మించబోతున్న సంగతి తెలిసిందే. మొత్తానికి సందీప్ రెడ్డి వంగా నుంచి మరో వినూత్నమైన సినిమా రానుందనే విషయం తెలుస్తోంది.
