టాలీవుడ్ డైరెక్టర్‌ శేఖర్ కమ్ముల డైరెక్ట్ చేస్తున్న లేటేస్ట్‌ మూవీ ‘కుబేర’ ప్రేక్షకుల్లో మంచి బజ్‌ని క్రియేట్ చేసుకుంది. ఈ సినిమాలో అక్కినేని నాగార్జున, ధనుష్ హీరోలుగా నటిస్తుండగా.. నేషనల్ క్రష్ రష్మిక హీరోయిన్‌గా చేస్తోంది. దీంతో ఈ సినిమాపై భారీ హైప్ క్రియేట్ అయ్యింది. ఇక ఇప్పటికే ఈ సినిమా నుండి విడుదల అయిన పోస్టర్స్ ప్రేక్షకులను ఆకట్టుకున్నాయి. అయితే, తాజాగా ఈ చిత్రానికి సంబంధించి ఓ సాలిడ్ అప్డేట్‌ని మేకర్స్‌ ఇచ్చారు.
‘కుబేర’ చిత్ర టీజర్‌ని నవంబర్ 15న విడుదల చేయబోతున్నట్లు చిత్ర యూనిట్ ప్రకటించింది. ఈ మేరకు ఓ సరికొత్త పోస్టర్‌ను కూడా విడుదల చేశారు. ఈ పోస్టర్‌లో నాగార్జున, ధనుష్‌లతో పాటు రష్మిక కూడా కనిపిస్తుంది. ఈ పోస్టర్ ఆకట్టుకునేలా ఉండటంతో ఈ టీజర్ ఇంకెలా ఉంటుందా అని అందరూ ఎంతో ఆసక్తిగా ఎదురు చూస్తున్నారు.
ఇప్పటికే ఈ సినిమా షూటింగ్ చివరిదశకు చేరిందని చిత్ర యూనిట్ పేర్కొంది. ఇక ఈ సినిమా టీజర్ ఎప్పుడెప్పుడు వస్తుందా అని ప్రేక్షకులు ఎంతో ఆసక్తిగా చూస్తున్నారు. ‘కుబేర’ మూవీతో శేఖర్ కమ్ముల ఎలాంటి కథను పట్టుకొస్తున్నాడా.. ఈ సినిమా బాక్సాఫీస్ దగ్గర ఎలాంటి విజయాన్ని అందుకుంటుందా అని అందరూ ఆసక్తిగా చూస్తున్నారు.
