గ్లోబల్ స్టార్ రామ్ చరణ్ నటిస్తున్న తాజా సినిమా ‘గేమ్ ఛేంజర్’ గురించిప్రేక్షకులు ఏ రేంజ్‌లో వెయిట్ చేస్తున్నారో చెప్పే అవసరమే లేదు. ఈ సినిమాను దర్శకుడు శంకర్ డైరెక్ట్ చేస్తుండగా, పూర్తి పొలిటిక్ థ్రిల్లర్‌గా ఈ సినిమా ప్రేక్షకులను ఆకట్టుకునేందుకు రెడీ గా ఉంది. ఇక ఈ సినిమాను సంక్రాంతి కానుకగా విడుదల చేసేందుకు మేకర్స్ సిద్ధంగా ఉన్నారు.
ఇక ఈ సినిమాకు సంబంధించిన అప్డేట్స్‌ను మేకర్స్ ఎప్పుడెప్పుడు ఇస్తారా అని అభిమానులు ఎంతో ఆసక్తిగా ఎదురు చూస్తున్నారు. ఈ క్రమంలో దీపావళి సందర్భంగా ‘గేమ్ ఛేంజర్’ మూవీ టీజర్‌కి సంబంధించిన అప్డేట్‌ను మేకర్స్ తాజాగా ప్రేక్షకుల ముందుకు తీసుకుని వచ్చారు. ఈ చిత్ర టీజర్‌ని నవంబర్ 9న విడుదల చేయబోతున్నట్లు ఓ కొత్త పోస్టర్ ద్వారా వెల్లడించారు.
ఈ పోస్టర్‌లో రామ్ చరణ్ రైల్వే ట్రాక్‌పై కూర్చున్న పోజ్ ప్రేక్షకులను ఆకట్టుకుంటోంది. ‘గేమ్ ఛేంజర్’ మూవీలో రామ్ చరణ్ రెండు వైవిధ్యమైన పాత్రల్లో యాక్ట్‌ చేస్తున్నారు.
