గ్లోబల్ స్టార్ రామ్ చరణ్ నటిస్తున్న తాజా సినిమా ‘గేమ్ ఛేంజర్’ సంక్రాంతి కానుకగా జనవరి 10న గ్రాండ్ విడుదలకు సిద్దమవుతుంది. ఈ సినిమాను దర్శకుడు శంకర్ డైరెక్ట్ చేస్తున్నాడు. ఇక ఈ సినిమాకు థమన్ సంగీతం అందిస్తున్నాడు. ఈ సినిమాలో చరణ్ అల్ట్రా స్టైలిష్ లుక్స్‌తో అభిమానులను అలరించేందుకు రెడీ అవుతున్నాడు.
ఇక రామ్ చరణ్ తన నెక్స్ట్ చిత్రాన్ని బుచ్చిబాబు సానా డైరెక్షన్‌లో రూపొందిస్తున్నారు. ఈ సినిమాలో చరణ్ తన లుక్‌ని పూర్తిగా మార్చేయనున్నాడు. దీనికోసం ఆయన బీస్ట్ మోడ్‌లోకి ఛేంజ్‌ అవుతున్నాడు. ఇప్పటికే హెవీ వర్కవుట్స్ చేస్తూ బాడీని బిల్డ్ చేస్తున్నాడు. తాజాగా థమన్ చరణ్‌ను కలిసిన ఫోటోను సోషల్ మీడియాలో పంచుకున్నాడు.
ఈ ఫోటోలో చరణ్ హెవీ బాడీతో, గుబురు గడ్డంతో మస్క్యులర్ లుక్స్‌తో ఆకట్టుకుంటున్నాడు. ఈ ఫోటోను మెగా ఫ్యాన్స్ నెట్టింట తెగ షేర్‌ చేస్తున్నారు. చరణ్ మ్యాన్లీ లుక్స్‌తో ఆకట్టుకుంటున్నాడని.. బుచ్చిబాబు తన సినిమాలో చరణ్ కోసం ఏదో సాలిడ్‌గానే ప్లాన్ చేశాడని అభిమానులు కామెంట్లు పెడుతున్నారు.
