టాలీవుడ్‌లో తెరకెక్కుతున్నమోస్ట్‌ ప్రెస్టీజియస్ సీక్వెల్ సినిమాల్లో ‘జై హనుమాన్’ కూడా ఒకటి. ఈ సినిమా ఇప్పటికే ప్రేక్షకుల్లో మంచి ఆసక్తిని క్రియేట్ చేసింది. ఈ సినిమాను దర్శకుడు ప్రశాంత్ వర్మ డైరెక్ట్ చేస్తుండటంతో ప్రేక్షకుల్లో మరిన్ని అంచనాలు పెరిగాయి. దీంతో ఈ సినిమా బాక్సాఫీస్ దగ్గర ఎలాంటి సెన్సేషన్ క్రియేట్ చేస్తుందా అని అందరూ ఎంతో ఆసక్తిగా చూస్తున్నారు.
ఇక ఈ క్రేజీ సీక్వెల్‌కు సంబంధించిన ఫస్ట్ లుక్ పోస్టర్‌ను దీపావళి కానుకగా విడుదల చేయడంతో ఈ సినిమాపై అంచనాలు మరింతగా పెరిగాయి. ఈ సినిమాలో కన్నడ హీరో రిషబ్ శెట్టి హనుమంతుడి పాత్రలో యాక్ట్‌ చేస్తున్నట్లు చిత్ర బృందం నిన్ననే దీపావళి కానుకగా ఓ పోస్టర్‌ ని విడుదల చేశారు.
కాగా, ఇప్పుడు తాజాగా ఈ సినిమాకు సంబంధించి మరో కొత్త ట్రీట్‌ను ప్రేక్షకుల ముందుకు తీసుకుని వచ్చారు. ఈ సినిమాకు సంబంధించిన థీమ్ సాంగ్‌ను మేకర్స్ విడుదల చేశారు. ఈ సినిమాను దర్శకుడు ప్రశాంత్ వర్మ తనదైన స్టైల్‌ లో మరోసారి బాక్సాఫీస్ షేక్ అయ్యేలా రూపొందించేందుకు రెడీ అవుతున్నాడు. ఈ సినిమాను మైత్రీ మూవీ మేకర్స్ ప్రొడ్యూస్ చేస్తున్నారు.
