ఇటీవల ‘మిస్టర్ బచ్చన్’ మూవీతో ప్లాప్ అందుకున్న రవితేజ తన తదుపరి సినిమాతో కచ్చితంగా హిట్ కొట్టబోతున్నాడని తెలుస్తోంది. ఎందుకంటే ఈసారి ప్రయోగాల జోలికి వెళ్లకుండా తనకు కలిసొచ్చిన ఫార్ములాతో ప్రేక్షకుల ముందుకు రాబోతున్నాడు. రవితేజ నటిస్తున్న లేటెస్ట్ మూవీ ‘RT75’. ‘సామజవరగమన’ లాంటి బ్లాక్ బస్టర్ మూవీకి రచయితగా పని చేసిన భాను బోగవరపు ఈ సినిమాతో వెండితెరకు దర్శకుడిగా రాబోతున్నాడు
తాజాగా దీపావళీ సందర్భంగా ఫ్యాన్స్‌కు అదిరిపోయే అప్‌డేట్‌ ఇచ్చారు మేకర్స్. టైటిల్‌ రివీల్‌ చేయడంతో పాటు ఫస్ట్ లుక్‌ పోస్టర్‌ను కూడా ప్రేక్షకుల ముందుకు తీసుకుని వచ్చారు. ఈ సినిమాకు ‘మాస్ జాతర’ అనే టైటిల్‌ ఖరారు చేశారు. ‘ఇడియట్’ సినిమాలోని ‘మనదే ఇదంతా..’ అనే డైలాగ్ ను ఈ మూవీకి ట్యాగ్‌లైన్‌ గా పెట్టారు. తాజాగా రిలీజైన రవితేజ ఫస్ట్ లుక్‌ అభిమానులను విపరీతంగా ఆకట్టుకుంటోంది.
చేతిలో గంట పట్టుకుని, బొడ్డులో తుపాకీతో కనిపిస్తోన్న మాస్ మహారాజాను చూస్తుంటే.. ఈ సినిమాలో మోత మోగిపోవడం గ్యారంటీ అనిపిస్తోంది. రవితేజ ఫ్యాన్స్‌కు మరోసారి మాస్ ఎంటర్‌టైనర్‌ పక్కా అని అర్థమవుతోంది. ఇదే పోస్టర్ లో రిలీజ్ డేట్ కూడా చెప్పేశారు. ఈ సినిమాను వచ్చే ఏడాది సమ్మర్‌లో మే 9న విడుదల చేయనున్నారు.
