పాన్ ఇండియా స్టార్ ప్రభాస్ స్టార్ లైనప్‌లో భారీ అంచనాలు ఉన్న సినిమా ఏదైనా ఉంది అంటే అది ‘స్పిరిట్’. సందీప్ రెడ్డి వంగా డైరెక్షన్‌ లో తెరకెక్కుతున్న ఈ సినిమా ఓ పవర్‌ ఫుల్ కాప్ స్టోరీగా రానున్నట్లు సమాచారం. ప్రస్తుతం స్క్రిప్ట్ పనుల్లో ఉన్న ఈ సినిమా నుంచి ఓ అదిరిపోయే గాసిప్ అయితే వినపడుతుంది.
ప్రభాస్ పాత్ర పోలీస్ అయినప్పటికీ, కథలో మలుపులు కారణంగా ప్రభాస్ పాత్ర గ్యాంగ్ స్టర్ గా మారుతుందని.. భారీ వైల్డ్ ఎలిమెంట్స్ సినిమాలో ఫుల్ గా ఉంటాయని టాక్. అలాగే, ఈ సినిమాలో ప్రభాస్ కి విలన్ గా మరో స్టార్ కూడా యాక్ట్‌ చేయనున్నారని టాక్.
కాగా ఈ సినిమా షూటింగ్ వచ్చే ఏడాది నుంచి మొదలు కాబోతుంది.సుమారు రూ.400 కోట్లకు పైగా బడ్జెట్‌ తో ఈ సినిమా రెడీ అవుతుంది. హర్షవర్ధన్ రామేశ్వర్ సంగీతం అందిస్తున్న ఈ సినిమాని టి-సిరీస్, భద్రకాళి పిక్చర్స్ భారీ స్థాయిలో నిర్మించనున్నాయి. ‘స్పిరిట్’ మెయిన్ కథాంశమే చాలా కొత్తగా ఉంటుందని.. సందీప్ రెడ్డి వంగా నుంచి మరో వినూత్న సినిమా రానుందని సమాచారం.
