జూనియర్ ఎన్టీఆర్, బాలీవుడ్ స్టార్ హీరో హృతిక్ రోషన్ కాంబోలో రాబోతున్న మోస్ట్ అవైటెడ్ ఫిల్మ్ ‘వార్ 2’. తారక్ ఈ సినిమాతో బాలీవుడ్ ఎంట్రీ ఇవ్వబోతున్నారు . స్పై యాక్షన్ థ్రిల్లర్ గా రూపొందుతున్న ఈ చిత్రానికి అయాన్ ముఖర్జీ డైరెక్టర్ గా ఉన్నారు. యష్ రాజ్ స్పై యూనివర్స్ లో భాగంగా వస్తున్న ఈ సినిమాపై హిందీతో పాటూ తెలుగులోనూ భారీ అంచనాలు ఉన్నాయి.
తాజాగా ఈ మూవీ షూట్ లో ఎన్టీఆర్ జాయిన్ అయ్యారు.సెట్స్ నుంచి ఎన్టీఆర్ ఫొటోలు లీక్ అయ్యాయి. అవి సోషల్ మీడియాలో వైరల్ అవుతున్నాయి. ఈ లీక్ అయిన ఫొటోలలో జూనియర్ ఎన్టీఆర్ కొత్త లుక్ చాలా బాగుంది. ఫొటోలో తారక్ ఆర్మీ షర్ట్ ధరించి ఉండడంతో సినిమాలో ఆయనది ఆర్మీ ఆఫీసర్ రోల్ అని అంతా అనుకుంటున్నారు.
ఇక ఈ ఫొటోల్లో ఎన్టీఆర్ షూటింగ్‌లో చాలా బిజీగా సెట్ లో ఉన్న వారితో మాట్లాడుతూ ఉన్నారు. తారక్ లుక్ అలా బయటికొచ్చిందో లేదో అప్పుడే అవి సోషల్ మీడియా ట్రెండింగ్ అయిపోతున్నాయి ఎన్టీఆర్ ఫ్యాన్స్ ఈ ఫొటోలను నెట్టింట తెగ షేర్ చేస్తున్నారు. కాగా ఈ లేటెస్ట్ షెడ్యూల్ లో ఎన్టీఆర్, హృతిక్ లపై యాక్షన్ దృశ్యాలతోపాటు ఓ పాటను తెరకెక్కించనున్నట్లు సమాచారం. వచ్చే ఏడాది సమ్మర్ వరకు ఎన్టీఆర్ ‘వార్ 2’ షూటింగ్ తో బిజీగా ఉంటారని టాక్‌ .
ఆ తర్వాతే ప్రశాంత్ నీల్ ప్రాజెక్ట్ ను సెట్స్ పైకి తీసుకెళ్లనున్నట్లు సమాచారం. యష్ రాజ్ ఫిలిమ్స్ బ్యానర్ పై ఆదిత్య చోప్రా భారీ బడ్జెట్ తో నిర్మిస్తున్న ఈ సినిమా వచ్చే ఏడాది ఆగస్టు 15 న ప్రేక్షకుల ముందుకు రానుంది.
