ఈ ఏడాది కోలీవుడ్ సినిమా దగ్గర సరైన హిట్స్ లేవు అనే సమయంలో వచ్చిన సూపర్‌ హిట్ సినిమా “బాక్”. కోలీవుడ్ సినిమా దగ్గర హిట్ అయ్యినటువంటి హారర్ ఫ్రాంచైజ్ అరణ్మణై లో నాలుగో సినిమాగా రాశీ ఖన్నా అలాగే తమన్నా కాంబోలో దర్శకుడు సుందర్ సి తెరకెక్కించిన ఈ సినిమా హిట్ అయ్యి కొంచెం ఊపిరి పోసింది.
అయితే ఈ సినిమాకి మరో సీక్వెల్ అరణ్మణై 5వ సినిమాని మొదలుపెడుతున్నట్లుగా ఓ పోస్టర్ పెద్ద ఎత్తున వైరల్ గా మారింది. అయితే ఈ పోస్టర్ సహా ఇతర అంశాలపై ఈ సినిమా నిర్మాత దర్శకుడు భార్య అయినటువంటి ఖుష్భు అయితే ఓ క్లారిటీ ఇచ్చారు. ఈ సినిమా సీక్వెల్ పై వస్తున్నా వార్తల్లో ఏది నిజం లేదని తేల్చేసారు.
వైరల్ అవుతున్న పోస్టర్, నటీనటుల పేర్లు ఇలా అన్నీ కూడా ఫేక్ అని ఎవరూ నమ్మొద్దు అంటూ చెప్పుకొచ్చారు. ఏదైనా ప్లాన్ చేస్తే మేమే డైరెక్ట్ గా ప్రకటిస్తామని తెలిపారు. సో రెండు రోజులుగా వైరల్ అవుతున్న ఆ వార్తల్లో ఎలాంటి నిజం లేదని తెలిసిపోయింది.
