మెగా ప్రిన్స్ వరుణ్ తేజ్ నటిస్తున్న తాజా సినిమా ‘మట్కా’. ఈ సినిమా ఇప్పటికే షూటింగ్ పనులు ముగించుకుని విడుదలకు సిద్దం అవుతోంది. ఈ సినిమాను దర్శకుడు కరుణ కుమార్ డైరెక్ట్ చేస్తుండగా పూర్తి పీరియాడిక్ డ్రామా సినిమాగా ఈ మూవీ తెరకెక్కుతుంది. ఇక ఈ సినిమాలో వరుణ్ తేజ్ సరికొత్త గెటప్స్‌లో కనిపిస్తుండటంతో ఈ సినిమాపై ప్రేక్షకుల్లో ఆసక్తి మొదలైంది.
ఇక ఈ సినిమా నుంచి తాజాగా ‘తస్సాదియ్యా’ అనే లిరికల్ సాంగ్‌ను ప్రేక్షకుల ముందుకు తీసుకుని వచ్చారు. ఈ సాంగ్‌ను పూర్తిగా రెట్రో వెర్షన్‌లో కంపోజ్ చేశారు. భాస్కరభట్ల అందించిన లిరిక్స్‌కు సింగర్ మనో తనదైన స్టయిల్‌తో ఆలపించారు. ఇక జీవీ.ప్రకాశ్ కుమార్ అందించిన సంగీతం ఈ పాటకు మరింత బలాన్ని ఇచ్చింది.
ఈ పాటలో వింటేజ్ రెట్రో లుక్స్‌తో వరుణ్ తేజ్ అభిమానులకు కనులవిందు చేస్తున్నాడు. ఈ సినిమాలో మీనాక్షి చౌదరి, నోరా ఫతేహి ఇతర ముఖ్య పాత్రల్లో నటిస్తున్నారు.
