యువ హీరో అక్షయ్ కుమార్ అలాగే ప్రేమలు ఫేమ్ మమిత బైజు అలాగే ఐశ్వర్య హీరోయిన్స్ గా నటించిన తాజా సినిమా “డియర్ కృష్ణ”. పీఎన్ బీ సినిమాస్ బ్యానర్ పై తెరకెక్కుతున్న యూత్ ఫుల్ ఎంటర్ టైనర్ సినిమా డియర్ కృష్ణ. పీఎన్ బలరామ్ రచయితగా, నిర్మాతగా ఈ సినిమా ద్వారా టాలీవుడ్‌ కి పరిచయం అవుతున్నారు.
ఈ కథను దినేష్ బాబు డైలాగ్స్, స్క్రీన్ ప్లే, డైరెక్షన్‌ కూడా చేపట్టారు. కొన్ని నిజ జీవిత సంఘటనల ఆధారంగా తీసుకొని పీఎన్ బలరామ్ యూత్ ఫుల్ ఎంటర్ టైనర్ గా తీర్చిదిద్దారు. హృదయాన్ని బరువెక్కించే ఓ విషాద సంఘటన, శ్రీకృష్ణున్నే భక్తులు ఆ భారం అంతా ఆయనపై వేశారు. డాక్టర్లే ఏం చేయలేమన్న పరిస్థితుల్లో ఓ అద్భుతం జరిగింది. ఇలాంటి అద్భుతమైన కథ ఇతివృత్తమే డియర్ కృష్ణ సినిమా స్టోరీ.
నమ్మలేని నిజాలు కాదు ఎవరూ ఊహించలేని స్క్రీన్ ప్లే రాసిన ఆ భగవంతుడు శ్రీ కృష్ణుని దయతోనే ఈ సినిమా ని తీసినట్లు బలరామ్ అన్నారు. అయితే ఇప్పుడు ఈ సినిమాకు సంబంధించిన ఫస్ట్ సింగిల్ దివంగత గాయకులు ఎస్పీ బాల సుబ్రహ్మణ్యం పాడిన చివరి పాట చిరుప్రాయం పాట లాలెట్టన్ మోహన్ లాల్ గారి చేతుల మీదగా రిలీజ్‌ చేశారు.
ఈ సందర్భంగా లాలెట్టన్ మోహన్ లాల్ గారు మాట్లాడుతూ.. శ్రీకృష్ణుడు చేసిన ఒక అద్భుతాన్ని ఆధారంగా తీస్తున్న ఈ సినిమాలోని పాటలన్నీకూడా ఎంతో అద్భుతంగా ఉంటాయి. ముఖ్యంగా ఇప్పుడు నేను విడుదల చేసిన ఫస్ట్ సాంగ్ చిరుప్రాయం నా మనసును ఎంతగానో హత్తుకుంది. లెజెండ్రీ సింగర్ ఎస్పీ బాలసుబ్రమణ్యం గారు పాడిన ఈ పాట మీ హృదయాలను కూడా హత్తుకుంటుంది. ఈ పాటలాగే సినిమా కూడా పెద్ద సక్సెస్ అవ్వాలని కోరుకుంటున్నాను” అని ఆయన చెప్పుకొచ్చారు.
