బాలీవుడ్‌ కండల వీరుడు సల్మాన్ ఖాన్ ని చంపేస్తామని బెదిరింపులు రావడంతో ఆయన సెక్యూరిటీ ఇబ్బందులు ఎదుర్కొంటున్నారు.
సల్మాన్ కు లారెన్స్ బిష్ణోయ్ గ్యాంగ్ నుంచి తీవ్రమైన బెదిరింపులు వస్తున్నాయి. అయితే కొన్నాళ్ళు బ్రేక్ తీసుకున్న సల్మాన్ మళ్లీ సినిమా షూటింగ్‌లు మొదలుపెట్టారు. సల్మాన్ ప్రస్తుతం “సికందర్” అనే సినిమాని చేస్తున్నాడు.
దర్శకుడు AR మురుగదాస్ డైరెక్ట్ చేస్తున్న ఈ సినిమాలో రష్మిక హీరోయిన్ గా చేస్తోంది. ఆమె మొదటి సారి సల్మాన్ సరసన హీరోయిన్ గా చేస్తోంది. ఇక సల్మాన్ షూట్ కి రావడంతో ఈ సినిమా సెట్ల చుట్టూ భద్రత పెంచాలని టీమ్ నిర్ణయించుకున్నారు. సల్మాన్ ఖాన్ ఇప్పటికే తన భద్రతా సిబ్బందిని కట్టుదిట్టం చేశాడు.
దానికి తోడు అత్యాధునిక భద్రతా ఫీచర్లతో కొత్త కారును కూడా తీసుకున్నాడు ఇక మరోపక్క హీరోయిన్ రష్మిక తో సహా అందరు స్టార్ నటీనటులను కూడా సల్మాన్ ఖాన్ శత్రువుల నుంచి రక్షించడానికి “సికందర్” టీమ్ అదనపు సెక్యూరిటీని ఇవ్వాలనే ఆలోచనలో ఉన్నట్లు ఊహాగానాలు కూడా వినిపిస్తున్నాయి.
ఈ సినిమాలో శర్మన్ జోషి, అంజినీ ధావన్, ప్రతీక్ బబ్బర్ అలాగే సత్యరాజ్‌, సునీల్ శెట్టి, కాజల్ అగర్వాల్, కూడా ‘సికిందర్’లో కనిపించబోతున్నారు. ఈ చిత్రం 2025లో ఈద్ సందర్భంగా మార్చి 31న విడుదల కానుంది.
