కోలీవుడ్ లో టాలీవుడ్ లో మంచి ఆదరణ ఉన్న తమిళ యువ హీరోల్లో శివ కార్తికేయన్ కూడా ఒకరు. మరి తాను హీరోగా నాచురల్ బ్యూటీ సాయి పల్లవి కథానాయిక గా దర్శకుడు రాజ్ కుమార్ పెరియస్వామి తెరకెక్కించిన సాలిడ్ యాక్షన్ సినిమా “అమరన్”. మరి ఈ దీపావళి కానుకగా రాబోతున్న ఈ చిత్రాన్ని మేకర్స్ తమిళ్ సహా తెలుగులో విడుదలకి తీసుకొస్తుండగా తమిళ్ లో ఆల్రెడీ ఆడియో లాంఛ్, టీజర్ లు కూడా వచ్చాయి.
అయితే మేకర్స్ ఇప్పుడు శివ కార్తికేయన్ పై ఇంట్రెస్టింగ్ పోస్టర్ తో తెలుగు సహా తమిళ్ ట్రైలర్ టైం ని ఖరారు చేశారు. మరి ఈ ట్రైలర్ ని అక్టోబర్ 23 సాయంత్రం 6 గంటలకి ప్రేక్షకుల ముందుకు తీసుకుని రానున్నట్లు తెలుస్తుంది. మరి తెలుగులో ఈ ట్రైలర్ ఎలా ఉంటుందో చూడాలి. ఇక ఈ చిత్రానికి జీవీ ప్రకాష్ కుమార్ సంగీతం అందిస్తుండగా యూనివర్సల్ హీరో కమల్ హాసన్ తన రాజ్ కమల్ ఫిల్మ్స్ బ్యానర్ పై నిర్మాణం వహించారు. అలాగే ఈ అక్టోబర్ 31న సినిమా థియేటర్స్ లో కి రానుంది.
