తెలుగు ఓటిటి దగ్గర బిగ్గెస్ట్ హిట్ టాక్ షో ఏదన్నా ఉంది అంటే అది మన తెలుగు స్ట్రీమింగ్ యాప్ ఆహా వారు నటసింహం బాలయ్యతో ప్లాన్ చేసిన క్రేజీ టాక్ షో “అన్ స్టాపబుల్” అనే చెప్పుకొవచ్చు. మరి ఈ షో ఇపుడు నాలుగో సీజన్లోకి కూడా ఎంటర్‌ అయిపోయింది. మరి సీజన్లో మొదటి ఎపిసోడ్ కోసం ఏపీ ముఖ్యమంత్రి నారా చంద్రబాబు నాయుడు రావడం మరో హైలైట్ గా నిలిచింది.
అయితే షూటింగ్ పూర్తి చేసుకున్న ఈ ఎపిసోడ్ తాలూకా సాలిడ్ ప్రోమోని ఇప్పుడు ఆహా వారు వదిలారు. మరి ఈ ప్రోమో మాత్రం ఊహించని లెవెల్లో ఉందని చెప్పుకొవచ్చు .అటు పాలిటిక్స్ పరంగా హాట్ ప్రశ్నలు, ఇంకోపక్క బాలయ్య చంద్రబాబు కుటుంబ సభ్యులు పరంగా ప్రశ్నలతో మంచి ఫన్నీగా ఎపిసోడ్ సాగింది.
అయితే ఇందులో చంద్రబాబుపై కొన్ని నెలలు కితం జరిగిన పలు కాంట్రవర్సియల్ ఘటనలు ఆ సమయంలో తాను ఎలా ఫీల్ అయ్యారు. జైలులో ఉన్న సమయంలో పవన్ కళ్యాణ్ రావడంతో అప్పుడు జరిగిన పరిణామాలు అలాగే అసలు ఇద్దరూ లోపల ఏం మాట్లాడుకున్నారు లాంటి ఆసక్తికర ప్రశ్నలు ఈ షోలో వినపడుతున్నాయి.
దీనికి చంద్రబాబు చెప్పిన సమాధానాలు ఏంటనేవి కూడా కచ్చితంగా ఆ ఫుల్ ఎపిసోడ్ చూసి తీరాల్సిందే. అలాగే ఈ అవైటెడ్ ఎపిసోడ్ ని ఆహా వారు ఈ అక్టోబర్ 25 రాత్రి 8 గంటల 30 నిమిషాలకి స్ట్రీమింగ్ కి తీసుకు రాబోతున్నారు.
