పాన్ ఇండియా రెబల్ స్టార్ ప్రభాస్ హీరోగా నటిస్తున్న తాజా భారీ చిత్రాల్లో సెన్సేషనల్‌ డైరెక్టర్‌ మారుతీతో చేస్తున్న ఇంట్రెస్టింగ్ హారర్ ఎంటర్టైనర్ మూవీ “ది రాజా సాబ్” మూవీ కూడా ఒకటి. మరి దీనిపై కూడా అంతకంతకు సాలిడ్ హైప్ అయితే పెరుగుతూనే ఉంది. అయితే ఈ సినిమా నుంచి మేకర్స్ నిన్న ప్రభాస్ పై వదిలిన స్టైలిష్ పోస్టర్ కూడా అదిరిపోయింది.
దీంతో ఈ సినిమా నుంచి ప్రభాస్ బర్త్ డే ట్రీట్ కోసం అభిమానులు ఎంతగానో ఆసక్తిగా ఎదురు చూస్తుండగా రేపు ఓ స్పెషల్ అప్డేట్ ని
విడుదల చేయనున్నట్లు ప్రామిస్‌ కూడా చేశారు మూవీ మేకర్స్. అయితే ఇప్పుడు దీనిపై వదిలిన పోస్టర్ తో మరింత ఆసక్తి కలిగిస్తుందని చెప్పుకోవచ్చు. ఒక సింహాసనం లాంటి దానిని ఒక అనుమానాస్పద రూమ్ లో రివర్స్ లో పెట్టి అతను రేపు వస్తున్నాడు అంటూ దర్శకుడు మారుతి ఆసక్తి రేపారు.
అలాగే ఆ బ్యాక్గ్రౌండ్ విజువల్స్ చూసేందుకు హారర్ ఎలిమెంట్స్ తో కనిపిస్తున్నాయి. మరి ఈ పోస్టర్ తోనే రేపు వచ్చే ట్రీట్ ఎలా ఉంటుందో అనే ఆసక్తిని రేపారు. మరి ఆ ట్రీట్ ఎలా ఉంటుందో వేచి చూడాల్సిందే.
