ఆర్ఆర్‌ఆర్‌ తరువాత రామ్‌ చరణ్ నుంచి ఏ సినిమా రాలేదు. కానీ తన చేతినిండా సినిమాలు మాత్రం ఉన్నాయి. దాదాపు 3 సంవత్సరాలు అవుతున్నప్పటికీ ఇప్పటి వరకు ఏ సినిమా చరన్‌ నుంచి రాకపోవడంతో అభిమానులు కూడా చాలా నిరుత్సాహంగా ఉన్నారు. చరణ్
తాజాగా భారీ సినిమా “గేమ్ ఛేంజర్” ని పూర్తి చేశాడు.
ఈ సినిమా విడుదల కోసం అభిమానులు ఎంతో ఆసక్తిగా ఎదురు చూస్తుండగా ఈ సినిమా తర్వాత చరణ్ తన 16వ సినిమా ని చేస్తున్నాడు. మరి ఈ సినిమాని దర్శకుడు బుచ్చిబాబు సానా రూపొందిస్తుండగా… ఈ సినిమా కోసం చరణ్ సాలిడ్ లుక్ ని కూడా ఇప్పుడు ప్రిపేర్ చేస్తున్నాడు.
అయితే కొన్ని రోజులు కితం చరణ్ పై వచ్చిన కొన్ని ఫోటోలు వైరల్ గా మారాయి. అయితే లేటెస్ట్ గా చరణ్ కొత్త లుక్ పై మరిన్ని లీకులు బయటకు వచ్చాయి. మరి వీటిలో మళ్లీ రంగస్థలం తరహాలో లుక్ కి బల్క్ బాడీ తోడైతే ఎలా ఉంటుందో అంత మ్యాచో లుక్ లో అదిరిపోయాడని చెప్పాలి. దీంతో తన లుక్స్ ఇప్పుడు వైరల్ అవుతున్నాయి. అలాగే ఇవి చూసిన చరణ్ అండ్ మెగా ఫ్యాన్స్ ఓ రేంజ్ లో ఎగ్జైట్ అవుతున్నారు.
