సూర్య హీరోగా రాబోతున్న తాజా సినిమా ‘కంగువా’. శివ డైరెక్షన్‌ లో రూపొందుతున్న ఈ సినిమా పై భారీ అంచనాలు క్రియేట్ అయ్యాయి. ప్రపంచ వ్యాప్తంగా భారీ స్థాయిలో విడుదల కానున్న ఈ ఎపిక్ యాక్షన్ డ్రామా ప్రమోషన్‌లు జోరుగా సాగుతున్నాయి. ప్రస్తుతం హీరో సూర్య, దిశా పఠానీ, బాబీ దేవోల్‌ లతో కలిసి ఢిల్లీలో సినిమా గురించి ప్రమోషన్స్‌ నిర్వహిస్తున్నారు.
ఈ సందర్భంగా హీరో సూర్య, వందల మంది అభిమానులతో కలిసి దిగిన సెల్ఫీ ప్రస్తుతం సోషల్ మీడియాలో వైరల్ గా మారింది. ఈ సెల్ఫీలో దిశా పఠానీ, బాబీ దేవోల్‌ కూడా ఉన్నారు.
ఈ నెల అక్టోబర్ 26న వేవ్ మీడియా ఇండియా ద్వారా ‘కంగువా ఆడియో లాంచ్ ఈవెంట్’ గ్రాండ్ గా జరగనుంది. కాగా ఈ సినిమాలో దిశా పఠానీ కథానాయికగా చేస్తోంది. బాబీ దేవోల్‌ ప్రతినాయకుడిగా యాక్ట్‌ చేస్తున్నాడు. స్టూడియో గ్రీన్‌, యూవీ క్రియేషన్స్‌ సంయుక్తంగా నిర్మిస్తున్నాయి. ఫాంటసీ యాక్షన్ ఫిల్మ్‌గా రూపుదిద్దుకుంటున్న ఈ సినిమా నవంబర్‌ 14న ప్రపంచవ్యాప్తంగా విడుదల కానుంది.
అయితే, ఇప్పటికే, పార్ట్ 2, పార్ట్ 3 కథలు రెడీ గా ఉన్నాయని, కంగువా పార్ట్ 1 విజయం ఆధారంగా వాటిని తెరకెక్కించేలా ప్లాన్ చేస్తున్నామని నిర్మాత కేఈ జ్ఞానవేల్‌ తెలిపారు.
