హాస్యనటులు హీరోలు అవ్వడం, సినిమాటోగ్రాఫర్లు దర్శకులుగా మారటం చాలా కామన్ విషయం. ఒక్కప్పుడు రైటర్ గా పని చేసిన కొరటాల శివ ఇప్పడు దర్శకుడిగా సూపర్ హిట్ సినిమాలు ప్రేక్షకుల ముందుకు తీసుకుని వచ్చిన సంగతి తెలిసిందే. ఒకప్పుడు సినిమాటోగ్రాఫర్ గా ఉన్న కార్తీక్ ఘట్టమేని డైరెక్టర్ అయిపోయాడు. అలాగే హీరోలు సైతం దర్శకులుగా సినిమాలు చేసిన వాళ్ళు చాలా మందే ఉన్నారు. గతంలో ఎన్టీఆర్, కృష్ణ నటిస్తూ దర్శకులుగా సినిమాలు చేసారు. ఇప్పటి యంగ్ హీరోలలో విశ్వక్ సేన్ ఒకవైపు హీరోగా చేస్తూ రెండు సినిమాలకు దర్శకత్వం వహించాడు.
తాజాగా మరో స్టార్ హీరో కూడా దర్శకుడిగా మారుతున్నాడు. అతడెవరో కాదు జయం రవి. తమిళంలో ఎన్నో సూపర్ హిట్ సినిమాలలో నటించి మెప్పించిన జయం రవి దర్శకుడిగా మెగా ఫోన్ పట్టనున్నట్లు సమాచారం. అందుకు సంబంధించి ఇప్పటికి అన్ని చర్చలు ముగిశాయని తెలుస్తోంది. అయితే జయం రవి దర్శకత్వం చేయబోయే సినిమాలో హీరోగా తమిళ ప్రముఖ హాస్య నటుడు యోగి బాబు యాక్ట్‌ చేయబోతున్నాడు.
గతంలో తన సినిమాలలో నటించిన యోగిబాబుతోనే దర్శకుడిగా తన తొలి ప్రయత్నం చేస్తున్నాడు జయం రవి. జయం రవి దర్శకుడిగా కొత్త ప్రయాణం మొదలు పెట్టబోతున్నాడు. హీరోగా సినిమాలు చేస్తూనే దర్శకత్వం చేయబోతున్నాడు.
