సౌత్ ఇండియా స్టార్ ముద్దుగుమ్మ అనుష్క గురించి అందరికీ తెలిసిందే. సూపర్ సినిమాతో టాలీవుడ్‌ ఇండస్ట్రీకి ఎంట్రీ ఇచ్చింది ఈ ముద్దుగుమ్మ. కెరీర్ మొదట్లో గ్లామర్ పాత్రలకే పరిమితమైంది. కోడి రామకృష్ణ డైరెక్షన్‌ లో అరుంధతి సినిమాతో నటనలో తన విశ్వరూపాన్ని చూపించి.. స్టార్ స్టేటస్ సొంతం చేసుకుంది. అప్పటి నుంచి అనుష్కను జేజమ్మగా పిలవడం మొదలుపెట్టారు.
ఇటీవల కాలంలో సినిమాలు చేయడం బాగా తగ్గించేసింది. గతేడాది నవీన్ పొలిశెట్టితో కలిసి ‘మిస్ శెట్టి మిస్టర్ పొలిశెట్టి’ సినిమాతో ప్రేక్షకుల ముందుకొచ్చి సూపర్ హిట్ అయ్యింది. ఇక ఆ తర్వాత మరో సినిమా చేయలేదు. బాహుబలి తర్వాత ఆమె చాలా సెలెక్టివ్ గా అడుగులు ముందుకు వేస్తోంది. ఇటీవల మళయాళంలో మొదటి సినిమాకి ఆమె పచ్చ జెండా ఊపింది. పాన్ ఇండియా రేంజ్ లో ఈ మూవీ తెరకెక్కింది. జయసూర్య ఈ చిత్రంలో మెయిన్ లీడ్ లో నటిస్తున్నారు.
ఇదిలా ఉంటే ఈ మూవీ షూటింగ్ పూర్తి చేసుకుని పోస్ట్ ప్రొడక్షన్ దశలో ఉంది. భారీ బడ్జెట్ తో ఈ సినిమా రూపుదిద్దుకుంది. ‘కథనాల్ – ది వైల్డ్ సోర్సెరర్’ అనే టైటిల్ తో ఈ మూవీ రూపుదిద్దుకుంటుంది. హర్రర్ ఫాంటసీ థ్రిల్లర్ జోనర్ లో రోజిన్ థామస్ దర్శకత్వంలో ఈ సినిమా సిద్ధమవుతోంది. శ్రీ గోకుల్ మూవీస్ బ్యానర్ పై గోకుల్ గోపాలన్ ఈ చిత్రాన్ని ఏకంగా రూ.100 కోట్ల బడ్జెట్ తో రూపొందించారు. మలయాళంలో అత్యధిక బడ్జెట్ సినిమాల్లో ఇది ఒకటి.
రెండు భాగాలుగా ఈ మూవీ కథాంశం ఉంటుందని సమాచారం. 9వ శతాబ్దంలో క్రైస్తవ మతగురువు కడమత్తత్తు కథనార్ జీవితం ఆధారంగా చేసుకుని ఈ సినిమా కథని పి రామానంద్ రాశారు. అదిరిపోయే థ్రిల్లింగ్ ఎలిమెంట్స్ ఈ చిత్రంలో ఉంటాయని సమాచారం. అనుష్క కీలక పాత్రలో నటిస్తూ ఉండటంతో ఈ చిత్రానికి తెలుగు, తమిళ్ భాషలలో కూడా మంచి క్రేజ్ ఉంటుంది. త్వరలో ఈ విడుదల తేదీని ప్రకటిస్తామని ప్రకటించారు. వచ్చే ఏడాది ఈ చిత్రం విడుదల అయ్యే అవకాశం ఉందనే మాట వినపడుతుంది.
