సినిమా తీయడంలో మంచి అభిరుచి ఉన్న చిత్ర నిర్మాతలలో అభిషేక్ నామా కూడా ఒకరు. ఈ క్రమంలోనే ఆయన పాన్ ఇండియా లెవల్లో పెద్ద ఎత్తున సినిమాలు చేస్తున్నాడు. డెవిల్: ది బ్రిటిష్ సీక్రెట్ ఏజెంట్‌తో దర్శకుడిగా విజయవంతంగా అరంగేట్రం చేసిన తర్వాత, అతను తన తదుపరి డైరెక్షన్‌ వెంచర్ నాగబంధం- ది సీక్రెట్ ట్రెజర్ అనే సినిమాను ప్రేక్షకుల ముందుకు తీసుకుని వచ్చేందుకు రెడీ అయ్యాడు.
ఈ సినిమాకు అభిషేక్ నామా కథ, స్క్రీన్ ప్లే కూడా రాశారు. అభిషేక్ పిక్చర్స్‌తో కలిసి NIK స్టూడియోస్ ప్రొడక్షన్ నంబర్ 1 గా కిషోర్ అన్నపురెడ్డి, తారక్ సినిమాస్ సంయుక్తంగా నిర్మిస్తున్న ఈ సినిమాని లక్ష్మీ ఐరా, దేవాన్ష్ నామా సమర్పిస్తున్నారు.పెద్ద కాపు అనే యాక్షన్‌ సినిమాతో అరంగేట్రం చేసిన విరాట్ కర్ణ తన పవర్ ప్యాక్డ్ నటనకు ప్రశంసలు అందుకున్న విషయం తెలిసిందే. రెండవ సినిమాగా నాగబంధం చిత్రంలో హీరోగా నటిస్తున్నాడు.
ఇందులో నభా నటేష్, ఈశ్వర్య మీనన్ విరాట్ కర్ణకు జోడిగా నటిస్తుండగా జగపతి బాబు, జయప్రకాష్, మురళీ శర్మ, బి.ఎస్. ముఖ్యమైన పాత్రల్లో కనిపించనున్నారు. భారీ అంచనాలున్న ఈ మూవీ ఈరోజు చిత్ర బృందం, తమంది ప్రత్యేక అతిథుల సమక్షంలో ఘనంగా ప్రారంభమైంది. ఈ కార్యక్రమానికి ముఖ్య అతిథిగా విచ్చేసిన మెగాస్టార్ చిరంజీవి ముహూర్తం షాట్‌కి క్లాప్‌బోర్డ్‌ను ఇచ్చారు. తలసాని శ్రీనివాస్ యాదవ్ కెమెరా స్విచాన్ చేయగా, తొలి షాట్‌కి అజయ్ భూపతి దర్శకత్వం వహించారు. ఆసియన్‌ సునీల్‌ స్క్రిప్ట్‌ని మేకర్స్‌కి అందజేశారు.
అభిషేక్ నామా ఆధ్యాత్మిక మరియు సాహసోపేత అంశాలతో కూడిన శక్తివంతమైన స్క్రిప్ట్‌ను రాశారు. తిరువనంతపురంలోని పద్మనాభస్వామి ఆలయంలో నిధిని, పూరీ జగన్నాథ ఆలయంలో రత్న భండార్‌ను తెరిచిన తర్వాత గుప్త నిధుల అంశం దేశంలో హాట్ టాపిక్‌గా మారింది. భారతదేశంలోని 108 విష్ణు దేవాలయాలు నాగబంధం ద్వారా రక్షించడం జరుగుతుంది. సినిమా కథ భారతదేశంలోని 108 విష్ణు దేవాలయాలకు సంబంధించిన నాగబంధం చుట్టూ తిరుగుతుంది.
ఈ ప్రతిష్టాత్మకమైన భారీ బడ్జెట్ చిత్రమైన నాగబంధం అనేది పాన్ ఇండియా బాషలలో 2025లో తెలుగు, హిందీ, తమిళం, కన్నడ, మలయాళంలో ఏకకాలంలో విడుదల అవ్వబోతుంది. ఈ నెల 23న రెగ్యులర్‌ షూటింగ్‌ ప్రారంభిస్తామని మేకర్స్‌ తాజాగా ప్రకటించారు.
