అలియా భట్ హీరోయిన్‌ గా నటించిన జిగ్రా మూవీ ప్రీ రిలీజ్‌ ఈవెంట్‌ హైదరాబాద్ లోని పార్క్‌ హయాత్‌ హోటల్‌ లో ఎంతో ఘనంగా జరిగింది. ఈ వేడుకకు అలియా భట్, సమంత, రానా దగ్గుబాటి, త్రివిక్రమ్ శ్రీనివాస్ , రాహుల్ రవీంద్రన్ వేదాంగ్ రైనా వంటి స్టార్స్‌ హాజరయ్యారు. ఈ క్రమంలో సమంత మాట్లాడుతూ హీరోయిన్స్ కి ఎంతో బాధ్యత ఉంటుంది అని, ప్రతి అమ్మాయి కథలో వారే హీరోలు అని అన్నారు.
చాలా రోజుల తర్వాత మీ ముందుకు వచ్చానని… జిగ్రా మూవీ పెద్ద బ్లాక్ బస్టర్ కావాలి అని కోరుకుంటున్నానని అన్నారు. ఇక ప్రతి అమ్మాయికి రానా లాంటి బ్రదర్ ఉండాలి అని ఆమె కామెంట్ చేయగా దానికి రానా థంబ్ సింబల్ చూపిస్తూ ఆనందం వ్యక్తం చేశారు.
ఇక తెలుగు ప్రేక్షకులే నా ఫ్యామిలీ అని మరోసారి సమంత చెప్పుకొచ్చింది.
అయితే ఆసక్తికర అంశం ఏంటంటే సమంతపై త్రివిక్రమ్ కీలక వ్యాఖ్యలు చేశారు. ఏ మాయ చేశావే నుంచే సమంత హీరో అని సమంతకు వేరే శక్తి అక్కర్లేదు, సమంతనే ఓ శక్తి అని అన్నారు. సమంత ముంబయిలోనే ఉండకుండా హైదరాబాద్ అప్పుడప్పుడు కూడా రండి, మీరు చేయడం లేదని మేం రాయడం లేదు, మీరు నటిస్తానంటే మేం రాస్తాం అని అన్నారు.
అత్తారింటింటికి దారేది లాగా సమంత కోసం,హైదరాబాద్ కు రావడానికి దారేది అనాలేమో సమంత రావాలని సోషల్ మీడియాలో ట్రెండ్ చేయాలి అని త్రివిక్రమ్ సరదాగా వ్యాఖ్యానించారు.
