బాలీవుడ్ లో విద్యాబాలన్ స్టార్ హీరోయిన్ గా గుర్తింపు తెచ్చుకుంది. ఆమె నటించిన ‘కహానీ’ సినిమా మంచి విజయాన్ని అందుకుంది. ఈ సినిమా 2012లో విడుదలైంది. కోల్‌కతా మెట్రోలో జరిగిన ఓ సంఘటన ఆధారంగా తెరకెక్కిన ఈ సినిమాకి 15 కోట్ల బడ్జెట్ అయింది. అయితే, ఈ సినిమా మాత్రం 79 కోట్లు వసూలు చేసింది.
అయితే, తాజాగా ఈ సినిమా షూటింగ్ సమయంలో విద్యాబాలన్ ఎదుర్కొన్న ఇబ్బందుల గురించి ఓ సందర్భంలో చెప్పుకొచ్చింది.కహానీ బడ్జెట్ కారణంగా వ్యానిటీ వ్యాన్ ను నిర్మాతలు పెట్టలేదు. దీంతో, రోడ్డు పక్కన పార్క్ చేసిన కారులోనే విద్యాబాలన్ బట్టలు మార్చుకోవాల్సి వచ్చిందట. ఇదే విషయం గురించి ఆమె మాట్లాడుతూ.. ‘కహాని సినిమా షూటింగ్ లో నేను చాలా ఇబ్బందులను ఎదుర్కొన్నాను.
ఆ షూటింగ్ లో ఎలాంటి వ్యానిటీ వ్యాన్ లేదు. పైగా సినిమాకి పెద్ద బడ్జెట్ కూడా పెట్టలేదు. దీంతో, సెట్స్ లోనే నేను బట్టలు మార్చుకోవలసి వచ్చినప్పుడల్లా.. ఇన్నోవా కారు కిటికీకి నల్లటి గుడ్డ చుట్టి.. ఆ కారులో ఎవరికి కనపడకుండా బట్టలు మార్చుకున్నాను’ అంటూ ఆమె చెప్పుకొచ్చింది. ఈ కామెంట్స్ ప్రస్తుతం బాలీవుడ్ లో వైరల్ గా మారుతున్నాయి.
