టాలీవుడ్ ఇండస్ట్రీ లో సూపర్ క్రేజ్ కలిగిన హీరోల్లో ప్రిన్స్‌ మహేష్ బాబు ఒకరు. తను ఇప్పటి వరకు ఎన్నో హిట్టు సినిమాలలో హీరో గా నటించి తెలుగు సినీ పరిశ్రమ లో స్టార్ హీరోగా కెరియర్ కొనసాగిస్తున్న విషయం తెలిసిందే. మహేష్ తన తర్వాత సినిమాను దర్శకధీరుడు రాజమౌళి తో చేయబోతున్నాడు. ఇప్పటికే దీనికి సంబంధించిన అధికారిక ప్రకటన కూడా వెలువడింది. రాజమౌళి సినిమా కోసం మహేశ్ సరికొత్త లుక్ లోకి రావడం కోసం ప్రస్తుతం అనేక కసరత్తులు కూడా చేస్తు కొత్త కొత్త లుక్స్ లో కనిపిస్తున్నాడు.
ఇకపోతే రాజమౌళి సినిమా ద్వారా మహేశ్ కు ప్రపంచ వ్యాప్తంగా క్రేజ్ వచ్చే అవకాశాలు చాలా ఎక్కువ గా కనిపిస్తున్నాయి. మహేష్ బాబు రాజమౌళి సినిమా కోసం వారి అభిమానులు ఎంతో ఆతృతగా ఎదురుచూస్తున్నారు. ఇక ఈ సినిమా కోసం మహేశ్ జుట్టు, గడ్డం, బాడీ పెంచి మంచి సాలిడ్‌ గా రెడీ అవుతున్నాడు. దీంతో మహేశ్ ఈ మధ్య ఎప్పుడు కనపడినా ఆయన లుక్స్ వైరల్ అవుతున్నాయి. తాజాగా మరోసారి మహేశ్ బాబు అదిరిపోయే స్టైలిష్ లుక్ తో అభిమానుల కంటపడ్డాడు.
రెగ్యులర్ గా వెకేషన్ కి విదేశాలకు వెళ్లే మహేశ్ బాబు తాజాగా మరోసారి విదేశాలకు వెళ్లిపోయాడు. అయితే వెకేషన్ కా, అమెరికాలో ఉన్న కొడుకు దగ్గరికా, రాజమౌళి సినిమా వర్క్ కోసమా అనే వివరాలు మాత్రం సరిగా తెలియదు. సోమవారం ఉదయం మహేశ్ – నమ్రత కలిసి శంషాబాద్ ఎయిర్ పోర్ట్ నుంచి బయల్దేరి వెళ్లారు. దీంతో మహేశ్ ఎయిర్ పోర్ట్ ఫొటోలు వైరల్ గా మారాయి. మహేశ్ స్టైలిష్ హుడీ వేసుకుని, గాగుల్స్, క్యాప్ పెట్టుకొని రఫ్ గడ్డం, లాంగ్ హెయిర్ తో సూపర్ ఉన్నాడు.
