లియో చిత్రం తర్వాత కోలీవుడ్ స్టార్ డైరెక్టర్ లోకేష్ కనగరాజ్ డైరెక్షన్‌ లో తెరకెక్కుతున్న యాక్షన్ థ్రిల్లర్ కూలీ. సూపర్ స్టార్ రజినీకాంత్ ప్రధాన పాత్రలో నటిస్తున్న ఈ చిత్రంలో అక్కినేని నాగార్జున, శృతి హాసన్, సత్యరాజ్, ఉపేంద్ర, సౌభిన్ సాహిర్, మహేంద్రన్ లు కీలక పాత్రల్లో నటిస్తున్నారు. ఈ చిత్రం నుండి మేకర్స్ ఫస్ట్ లుక్ పోస్టర్లతో పాటుగా, క్యారెక్టర్లు ఒక్కొక్కటిగా రివీల్ చేస్తున్న సంగతి తెలిసిందే.
నేడు సూపర్ స్టార్ రజినీకాంత్ క్యారెక్టర్ పోస్టర్ ను తాజాగా ప్రేక్షకుల ముందుకు తీసుకుని వచ్చారు. ఈ సినిమాలో సూపర్ స్టార్ రజినీకాంత్ దేవా పాత్రలో కనిపించబోతున్నాడు. 1421 అనే నంబర్ ప్లేట్ ను పట్టుకొని ఉన్నట్లుగా రజినీకాంత్ పోస్టర్ కనిపిస్తుంది. ఈ లుక్ అభిమానులను బాగా ఆకట్టుకుంటుంది.
