పవర్ స్టార్ పవన్ కళ్యాణ్ హీరోగా నటిస్తున్న తాజా సినిమాల్లో దర్శకుడు జ్యోతి కృష్ణ రూపొందిస్తున్న భారీ పాన్ ఇండియా మూవీ “హరిహర వీరమల్లు” ఒకటని తెలిసిన విషయమే. మరి పవన్ నుంచి అనౌన్స్ అయిన మొదటి పాన్ ఇండియా సినిమా ఇది. దీంతో ఈ సినిమాపై భారీ హైప్ ఏర్పడింది. ఇక ఈ సినిమాలో పవన్ సరసన యంగ్ అండ్ గ్లామరస్ బ్యూటీ నిధి అగర్వాల్ హీరోయిన్ గా చేస్తున్న సంగతి తెలిసిందే.
శనివారం నిధి బర్త్ డే కానుకగా మేకర్స్ ఒక అద్భుతమైన పోస్టర్ ని విడుదల చేశారు. ఇందులో నిధి అగర్వాల్ స్టన్నింగ్ లుక్స్ లో అదరగొట్టింది.తన డ్రెస్సింగ్ గాని ధరించిన ఆభరణాలు కానీ ఆమెకి మరింత అందాన్ని తీసుకొచ్చాయి.
మరి ఈ చిత్రంలో నిధి అగర్వాల్ పంచమిగా నటిస్తుండగా మేకర్స్ ఈ సినిమాని రెండు భాగాలుగా విడుదల చేయబోతున్నారు. అలాగే నిన్ననే సినిమాలో భారీ యాక్షన్ ఎపిసోడ్ షూట్ కూడా మొదలు పెట్టగా..అతి త్వరలోనే పవన్ కూడా జాయిన్ కానున్నారు.
