హను రాఘవపూడితో ప్రభాస్ సినిమా మైత్రీ మూవీ మేకర్స్ నిర్మాణంలో శనివారం ప్రారంభించింది. చాలా కాలం నుంచి అనేక ప్రచారాలతో వార్తలలో ఉన్న ఈ ప్రాజెక్ట్ ఇప్పుడు అధికారికంగా ప్రారంభం అయ్యింది. అసలు విషయానికి వస్తే ప్రభాస్-హను ప్రాజెక్ట్ ఓపెనింగ్ ఫోటోలు సోషల్ మీడియాలో వైరల్ గా మారాయి. ఈ సమయంలోనే మనకు పరిచయం లేని ఒక పేరు సోషల్ మీడియాలో ట్రెండ్ అవుతోంది.
అదే ఇమాన్ ఎస్మాయిల్. ప్రభాస్ హీరోగా నటిస్తున్న ఈ సినిమాలో ఇమాన్ ఎస్మాయిల్ హీరోయిన్ గా చేస్తుంది. అయితే ప్రెస్ మీట్‌ లో ఆమె పేరును ఇమాన్వి అని అనౌన్స్ చేశారు. ఆమె ఇన్స్టా హ్యాండిల్ లో నేమ్‌ కూడా ఇమాన్వి అనే ఉండటం విశేషం. ఇక ఆమె గురించి ఇంత వైరల్ అవడానికి కారణం ఆమె పాకిస్తాన్లో పుట్టిన అమ్మాయి.
హను రాఘవపూడి దర్శకత్వం వహిస్తున్న ఈ చిత్రంతో ఇమాన్వి టాలీవుడ్‌లోకి ఎంట్రీ ఇస్తుంది. మొదటి సినిమానే తెలుగులో ప్రభాస్ తో అది కూడా పాన్ ఇండియా లెవల్లో అంటే అది మామూలు విషయం కాదు.ఈ రోజు లాంచ్ వేడుకలో ఇమాన్వి విజువల్స్, పేరు ఇప్పటికే ట్రెండ్ అవడం మొదలైంది. అంతేకాదు ఆమె సౌందర్యలా అనిపిస్తోస్తోందని, టాలీవుడ్‌లో పెద్ద హీరోయిన్ అవచ్చని టాక్ మొదలైంది. హను తన మొదటి సినిమా నుంచే తన హీరోయిన్స్ ను చాలా అందంగా చూపిస్తాడని పేరుంది.
ఇది ఇమాన్వికి మరో ప్లస్ పాయింట్ కూడా. ఆమె తన అరంగేట్రం కంటే ముందే సోషల్ ప్లాట్‌ఫారమ్‌లలో బాగా ట్రెండ్ అయ్యిందని చెప్పొచ్చు. పాకిస్తానీ మూలాలు ఉన్నా ఇమాన్వి ఢిల్లీలో సెటిల్ అయింది. ఆమె మంచి డ్యాన్సర్, నటి. ఆమెకు ఆన్‌లైన్‌లో విపరీతమైన ఫాలోయింగ్ ఉంది.
