కొన్ని కొన్ని సినిమాల విడుదల తేదీ ప్రకటించినప్పుడు అసలు ఈ సినిమా ఎప్పుడు మెుదలెట్టారు, ఎప్పుడు షూట్ చేసారు, అసలు ఇదంతా ఎప్పుడు జరిగింది అన్న అనుమానం చాలా మంది ప్రేక్షకులకు ఉంటుంది. చడీచప్పుడు లేకుండా షూట్ చేస్తారు. అలానే ప్రస్తుతం టాలీవుడ్ లో ఓ బడా నిర్మాణ సంస్థ ఓ సినిమాని పూర్తి చేసింది. విడుదల తేదీ కూడా లాక్‌ చేసి ఒకింత ఆశ్చర్య పరిచింది.
2019లో ఆస్కార్ మ్యూజిక్ డైరక్టర్ MM. కీరవాణి కొడుకు సింహా కోడూరి హీరోగా, కమెడియన్ సత్య ముఖ్యపాత్రలో ‘మత్తువదలరా’ అనే సినిమా ఒకటి వచ్చింది. చిన్న సినిమాగా విడుదల అయిన ఆ సినిమా సూపర్ హిట్టే అందుకుంది. ముఖ్యంగా సత్య కామెడీ ఆడియన్స్ తో నవ్వులు పూయించింది. రితేష్ రానా దర్శకత్వంలో తెరకెక్కిన ఈ సినిమా ఊహించని సక్సెస్ సాధించింది. దాదాపు 5 సంవత్సరాల తర్వాత ఈ సినిమాకు సీక్వేల్ రాబోతున్నట్టు ఆ మధ్య ప్రకటించారు.
కానీ షూటింగ్ ఎప్పుడు స్టార్ట్ చేస్తున్నారు, ఎంత వరకు చేసారు అని ఇటీవల కాలంలో కనీసం చిన్న న్యూస్ కూడా వినిపించలేదు. తాజాగా వినిపిస్తున్న సమాచారం ప్రకారం ఈ సినిమా షూటింగ్ చివరి దశలో ఉందని సమాచారం. కాగా ఈ సినిమాను దీపావళి కానుకగా విడుదల చేసేందుకు ఏర్పాట్లు చేస్తున్నారు మేకర్స్. మత్తు వదలరా సినిమాను టాలీవుడ్ టాప్ ప్రొడక్షన్ హౌస్ మైత్రీ మూవీస్ నిర్మించగా సెకండ్ పార్ట్ ను కూడా మైత్రీ మూవీస్‌నే నిర్మించగా కీరవాణి మరొక వారసుడు కాల భైరవ సంగీతం అందిస్తున్నాడు.
