యంగ్‌ రెబల్‌ స్టార్‌ ప్రభాస్ నటించిన సినిమా కల్కి సూపర్‌ హిట్ కావడంతో ప్రభాస్ అభిమానులు ఫుల్ ఖుషీగా ఉన్నారు. ఆ ఆనందం నుంచి బయటకు రాకముందే వరుస ప్రాజెక్టులను లైన్లో పెట్టి అభిమానులను సర్ ప్రైజ్ చేస్తున్నాడు డార్లింగ్. ప్రస్తుతం సలార్-2 , కల్కి-2 , స్పిరిట్ , రాజాసాబ్ ఇలా ఎన్నో భారీ ప్రాజెక్ట్స్ ప్రభాస్ చేతిలో ఉన్నాయి. దీంతో ఈ సినిమాలన్నీ ఎప్పుడెప్పుడు విడుదల అవుతాయా అని అభిమానులు ఎంతగానో ఎదురుచూస్తున్నారు.
ఈ సినిమాలతో పాటు ప్రభాస్ , హను రాఘవపూడి డైరెక్షన్‌లో ఓ ఇంట్రెస్టింగ్ కథకు గ్రీన్ సిగ్నల్ ఇచ్చిన సంగతి తెలిసిందే. ఇప్పటికే ఈ కాంబో కి సంబంధించి అడపా దడపా ఏదోక అప్ డేట్ ప్రేక్షకుల సినిమాపై క్యూరియాసిటీని పెంచుతూనే ఉన్నాయి. ఈ క్రమంలో తాజాగా ఈ సినిమాకు సంబంధించి ఓ ఇంట్రెస్టింగ్ అప్ డేట్ వచ్చేసింది. అదేంటంటే…
వైజయంతి మూవీస్ బ్యానర్ లో పీరియాడిక్‌ బ్యాక్‌ డ్రాప్‌ తో.. హను రాఘవపూడి, ప్రభాస్ సినిమా రానుంది. హనురాఘవపూడి గత సినిమాల్లోని కథ , మేకింగ్ నటీనటులను చూపించే తీరు ఇలా ప్రతిదీ ప్రత్యేకంగా నిలుస్తుంది. ఇక ఇప్పుడు ప్రభాస్ తో సినిమా అంటే.. ప్రేక్షకులకు ఈసారి అంతకుమించిన అంచనాలు ఉన్నాయి. ఇప్పటికే ఈ సినిమాకు ‘ఫౌజి’ అనే టైటిల్ అనుకుంటున్నట్లు సమాచారం. ఈ సినిమాలో స్వాతంత్య్ర సమరయోధుడు సుభాష్ చంద్రబోస్ కు సంబంధించిన కథ కూడా ఉండబోతున్నట్లు ఓ టాక్ వినిపిస్తుంది.
ఇక ఇప్పుడు వినిపిస్తున్న టాక్ ప్రకారం ఆగ‌స్టు 17న హైద‌రాబాద్‌లో ఈ మూవీకి సంబంధించిన పూజా కార్య‌క్ర‌మాలు మొదలుపెట్టి…. ఇక ఈ సినిమా షూటింగ్ ఆగ‌స్టు 18 నుంచి మొదలు కాబోతుంది. ఈ షూటింగ్ మూడు వారాల పాటు మధురైలో జ‌ర‌గ‌బోతుందని చిత్ర బృందం తెలిపింది. మూడు వారాల పాటు జ‌ర‌గ‌నున్న ఈ మూవీ షూటింగ్‌లో ప్రభాస్ 10 రోజులు పాల్గొంటాడంట. ఆగ‌స్టు 22 నుంచి ఆయ‌న షూటింగ్ మొదలు కానుంది.
పైగా ప్రభాస్ అభిమానులను సంతోషపరిచే ఇంకొక న్యూస్ ఏంటంటే.. ఈ సినిమా షూటింగ్ కు ఎక్కువ సమయం పట్టకపోవచ్చని.. దాదాపు వచ్చే ఏడాది చివరికి.. ఈ సినిమాను థియేటర్లలోకి వచ్చే అవకాశం ఉన్నట్లు సినీ సర్కిల్ లో టాక్. ఈ సినిమా కూడా కచ్చితంగా హిట్ కొట్టేస్తుందని చెప్పడంలో ఏ మాత్రం సందేహం లేదు. త్వరలోనే ఈ సినిమాకు సంబంధించిన మరిన్ని అప్ డేట్స్ వచ్చే అవకాశాలున్నాయి.
