మెగా పవర్‌స్టార్‌ రామ్ చరణ్, కోలీవుడ్‌ స్టార్‌ డైరెక్టర్‌ శంకర్‌ కాంబోలో రూపొందుతున్న భారీ బడ్జెట్ సినిమా గేమ్ ఛేంజర్. ఈ మూవీ మీద ఇప్పటికే భారీ అంచనాలు ఏర్పడ్డాయి. ఈ సినిమాలో బాలీవుడ్ హీరోయిన్ కియారా అద్వానీ కథానాయికగా నటిస్తున్నారు. ఇప్పటికే సినిమా నుంచి విడుదల అయిన కొన్ని పోస్టర్స్, ‘జరగండి జరగండి..’ పాట తప్ప మరే ఇతర అప్డేట్ ఇప్పటి వరకు సినిమా బృందం నుంచి రాలేదు. ఈ విషయంలో నిరాశలో ఉన్న అభిమానులకు ఎగిరి గంతేసే విషయం బయటకు వచ్చింది.
పొలిటికల్ యాక్షన్ డ్రామాగా భారీ బడ్జెట్ తో ఈ సినిమా రూపుదిద్దుకుంటుంది. ఈ సినిమా షూటింగ్ దాదాపు మొత్తం పూర్తి కావొచ్చింది. ఇక ఈ సినిమాకు డిసెంబర్లో క్రిస్మస్ కానుకగా విడుదల చేస్తామని దిల్ రాజు కొన్ని రోజుల క్రితమే ప్రకటించిన విషయం తెలిసిందే. దాంతో మెగా ఫ్యాన్స్ డిసెంబర్ ఎప్పుడెప్పుడు వస్తుందా అని ఎదురు చూస్తున్నారు. ఈ క్రమంలోనే ఈ మూవీకి సంబంధించిన ఓ న్యూస్ ఇండస్ట్రీలో హాట్ టాపిక్ గా మారింది. అదేమిటంటే .. గేమ్ ఛేంజర్ సినిమాలో చరణ్ ఏకంగా… మూడు పాత్రల్లో కనిపించబోతున్నాడట.
గేమ్ ఛేంజర్ లో రామ్ చరణ్ రెండు పాత్రల్లో కనిపించబోతున్నాడు అంటూ గతంలో ప్రచారం జరిగింది. అందుకు సంబంధించి మూవీ నుంచి లీక్ అయిన సీన్లే సాక్ష్యాలుగా నిలిచాయి. పొలిటికల్ లీడర్ గా, ఆయన కొడుకుగా చరణ్ రెండు విభిన్నమైన రోల్స్ లో కనిపిస్తాడని అర్థమయింది. అయితే ఇప్పుడు ఇందులో మూడో పాత్రలో కూడా చరణ్ నటిస్తున్నాడన్న వార్త వైరల్ అవుతుంది. కానీ ఇందులో ఎలాంటి నిజం లేదని తెలుస్తోంది.
అప్పన్న క్యారెక్టర్లో నిజాయితీ గల రాజకీయ నాయకుడిగా చరణ్ కపిస్తుండగా.. ఆయన కొడుకు రామ్ నందన్ పాత్రలో మరో రోల్ లో కనిపించబోతున్నాడు. ఇక కాలేజీలో చదుకునే కొన్ని ఎపిసోడ్లు ఉంటాయి. అప్పుడే కియారా అద్వానీతో ప్రేమలో పడుతాడని తెలుస్తోంది. ఆ తర్వాత ఐఏఎస్ గా మారిన తర్వాత చరణ్ లుక్ పూర్తిగా మారిపోనుంది. ఇది తెలిసి చరణ్ మూడు పాత్రలు చేస్తున్నాడని అందరూ అనుకుంటున్నారు. కానీ ఇందులో ఎలాంటి నిజం లేదని తెలుస్తోంది. ఈ మూవీలో జయరాం, సునీల్, ఎస్ జే సూర్య లాంటి ప్రముఖులు నటిస్తున్నారు. మ్యూజిక్ సెన్సేషన్ థమన్ ఈ మూవీకి సంగీతం అందిస్తున్నాడు
