టాలీవుడ్‌ సూపర్‌ స్టార్‌ పుట్టిన రోజు శుక్రవారం జరుపుకుంటున్న విషయం తెలిసిందే. ఈసారి మహేష్ బాబు పుట్టిన రోజు సందర్భంగా మహేష్ సినిమాలు రీ రిలీజ్‌ లు …తనకి బర్త్ డే విషెస్‌ తో సోషల్‌ మీడియాలో అలాగే ఆఫ్‌ లైన్‌ లో కూడా అభిమానుల రచ్చ వేరే లెవల్లో కొనసాగుతుంది.
మరి ఇలా ఓ రేంజ్ లో మహేష్ బాబు బర్త్ డే ని ఎంజాయ్ చేస్తున్న అభిమానులకు ఓ పోస్టర్ మాత్రం ఒక్కసారిగా చిన్న షాక్ ఇచ్చింది అని చెప్పాలి. మహేష్ బాబు లాస్ట్ గా నటించిన సినిమా “గుంటూరు కారం” అన్న విషయం తెలిసిందే. ఈ సినిమాకి నిర్మాణం వహించిన సంస్థ హారికా హాసిని వారు వదిలిన పోస్టర్ ఒకటి ఇప్పుడు ట్విట్టర్ ని షేక్ చేస్తుంది.
అయితే వారు వదిలిన ఈ పోస్టర్ అసలు గుంటూరు కారం అనే సినిమాకి ఎక్కడా సంబంధమే లేదని తెలుస్తుంది. రెండు చేతుల్లో రెండు కత్తులు పట్టుకొని మొత్తం ఎర్రటి ఎఫెక్ట్ తో డిజైన్ చేసిన పోస్టర్ లో మహేష్ బాబు చూసేందుకు చాలా పవర్ఫుల్ గా కనిపిస్తున్నాడు. అలాగే తన డ్రెస్సింగ్ కూడా గుంటూరు కారం తో సంబంధమే లేకుండా ఈ పోస్టర్ లో ఉంది.
దీంతో అసలు ఇది మాత్రం గుంటూరు కారం లోనిది కాదని ఫ్యాన్స్ భావిస్తున్నారు. అయితే గుంటూరు కారం సినిమా మొదలు కాకముందే మహేష్ బాబుతో మాటలమాంత్రికుడు త్రివిక్రమ్ స్టార్ట్ చేసిన యాక్షన్ ప్రాజెక్ట్ ఒకటి ఆగిపోయిన సంగతి తెలిసిందే. దాని ప్లేస్ లో గుంటూరు కారం స్టార్ట్ చేశారు. దీంతో ఈ పోస్టర్ ఆ సినిమాకి చెందినది కావచ్చని అంతా అనుకుంటున్నారు. కానీ ఏది ఏమైనప్పటికీ మాత్రం ఇవాళ ఏ కొత్త సినిమా అప్డేట్ లేకపోయినా ఈ ఒక్క పోస్టర్ మాత్రం ఫ్యాన్స్ లో ఓ రేంజ్ హైప్ ని తీసుకొచ్చింది అని చెప్పాలి.
