2024 సంవత్సరం మెగా కుటుంబానికి బాగా కలిసి వచ్చిన ఏడాది అని చెప్పుకోవచ్చు. గతేడాది రామ్ చరణ్, ఉపాసన దంపతులకు క్లీంకార పుట్టిన తరువాత మెగా ఫ్యామిలీకి అన్ని మంచి విషయాలే కలిసి వస్తున్నాయి. మరి ముఖ్యంగా 2024 సంవత్సరం అయితే మెగా ఫ్యామిలీ కీర్తి ప్రతిష్టలతో విరాజిల్లుతోంది.
ఈ నేపథ్యంలో మెగా అభిమానులు 2024 ను మెగా నామ సంవత్సరంగా పిలుచుకుంటున్నారు. అందుకు గల నేపథ్యాలను ఒకసారి పరిశీలిస్తే…ముందుగా టాలీవుడ్ మెగాస్టార్ చిరంజీవికి ఆయన బ్లడ్ బ్యాంక్, చిరు చేస్తున్న పలు సేవ కార్యక్రమాలకు గాను భారత ప్రభుత్వం మెగాస్టార్ ను పద్మవిభూషణ్ వంటి గౌరవ ప్రదమైన అవార్డును అందజేసిన సంగతి తెలిసిందే. ఇక మెగా తనయుడు రామ్ చరణ్ నటించిన సినిమా ‘RRR’. పాన్ఇండియా భాషలలో వరల్డ్ వైడ్ గా విడుదల ఆయిన ఈ మూవీ ఎన్నో రికార్డులను కొల్లగొట్టి రామ్ చరణ్ కు గ్లోబల్ స్టార్ ఇమేజ్‌ ని తీసుకుని వచ్చింది. అంతే కాకుండా ఆర్.ఆర్.ఆర్ సినీ నటులు ఎంతో ప్రతిష్టాత్మకంగా గా భావించే ఆస్కార్స్ కు వెళ్లింది. అంతేకాకుండా ఆస్కార్‌ కూడా అందుకుంది.
ఇక మరోవైపు పవర్ స్టార్ పవన్ కళ్యాణ్ ఇటీవల జరిగిన ఆంధ్రప్రదేశ్ అసెంబ్లీ ఎన్నికల్లో పిఠాపురం నియోజక వర్గం నుండి జనసేన ఎమ్మెల్యే అభ్యర్థిగా భారీ మెజారిటీతో గెలిచి మొట్టమొదటి సారి ఏపీ అసెంబ్లీలో కాలు పెట్టారు. అంతే కాకుండా కేవలం ఎన్నికల్లో గెలవడమే కాకుండా ఆంధ్రప్రదేశ్ డిప్యూటీ సీఎంగా పదవి బాధ్యతలు స్వీకరించారు. దాంతో పాటుగా ఏపీ ప్రభుత్వంలోని పలు కీలక శాఖలకు మంత్రిగా బాధ్యతలు కూడా నిర్వర్తిస్తున్నారు.
