జూనియర్ ఎన్టీఆర్ బావమరిది నారే నితిన్‌ తెలుగు సినీ పరిశ్రమకు మ్యాడ్‌ సినిమాతో ఎంట్రీ ఇచ్చిన విషయం తెలిసిందే. ప్రస్తుతం గీతా ఆర్ట్స్‌ 2 బ్యానర్‌ పై నితిన్‌ ఆయ్ అనే సినిమాలో నటిస్తున్న సంగతి తెలిసిందే. కంచిపల్లి అంజిబాబు డైరెక్షన్‌ లో ఈ సినిమా రాబోతుంది.
ఈ సినిమాని ఆగస్టు 15న భారీ చిత్రాల పోటీ మధ్యలో చిన్న సినిమాగా విడుద చేయడం అవసరమా అనే టాక్ ఆ మధ్య వినిపించింది. కానీ ఆయ్ ట్రైలర్ చూశాక ఆ సినిమాలతో పాటు ఈ సినిమా కూడా చూడాల్సిందే అనేటాక్ వినిపిస్తుంది.
ఆయ్ ట్రైలర్ బాగా ఇంప్రెస్ చేయడంతో ఈ సినిమాపై కూడా ప్రేక్షకుల చూపు పడింది. ఈ నేపథ్యంలో చిత్ర యూనిట్ ప్రమోషన్ కార్యక్రమాలను వేగంగా మొదలుపెట్టింది. ఇప్పటికే పిఠాపురంలో ఈ కార్యక్రమం కూడా నిర్వహించారు. మరోవైపు ఈ సినిమా ప్రీ రిలీజ్ ఈవెంట్‌ను ఘనంగా నిర్వహించిందేకు ఏర్పాట్లు చేస్తోంది నిర్మాణ సంస్థ. తాజా సమాచారం ప్రకారం ఆయ్ ప్రీ రిలీజ్ ఈవెంట్ కు టాలీవుడ్ టాప్ హీరోలు జూనియర్ ఎన్టీఆర్, ఐకాన్ స్టార్ అల్లు అర్జున్ హాజరవుతారనే వార్త ఇండస్ట్రీలో గట్టిగా వినపడుతుంది.
అదే జరిగితే ఆయ్ కు అదిరిపోయే పబ్లిసిటి రావడం గ్యారెంటీ. అటు నందమూరి ఇటు అల్లు అభిమానుల సపోర్ట్ కూడా ఇక ఆయ్ సినిమాకే లభిస్తుంది. ఇదిలా ఉండగా.. పూర్తి స్థాయి ఫన్ స్టోరీతో రూపొందుతోన్న ‘ఆయ్’ సినిమాను జీఏ2 పిక్చర్స్ బ్యానర్‌పై అల్లు అరవింద్ సమర్పణలో బన్నీ వాస్, విద్య కప్పినీది నిర్మిస్తున్న సంగతి తెలిసిందే. ఇందులో నయన్ సారిక హీరోయిన్‌గా నటిస్తుంది. అంకిత్ కొయ్య, కృష్ణ చైతన్య, శ్రీవాణి తదితరులు కీలక పాత్రలలో నటిస్తున్నారు. రామ్ మిరియాల ‘ఆయ్’ కు సంగీతాన్ని సమకూర్చుతున్నాడు.
