రెబల్‌స్టార్‌ ప్రభాస్ హీరోగా గతేడాది వచ్చిన సినిమా సలార్. కన్నడ ప్రముఖ దర్శకుడు ప్రశాంత్ నీల్ రూపొందించిన ఈ సినిమా ఎంతటి ఘన విజయాన్ని సాధించిన విషయం తెలిసిందే. ఈ సినిమాని రెండు భాగాలుగా తీసుకుని వస్తామని సినిమా మొదట్లోనే నీల్ ప్రకటించిన సంగతి తెలిసిందే.
అలాగే మొదట పార్ట్ చివరలో పార్ట్ -2 త్వరలోరానుందని టైటిల్ కూడా వేసేసాడు. కానీ పరిస్థితులు చూస్తుంటే ఇప్పట్లో ఈ సినిమా వచ్చేలా కనిపించట్లేదు. ప్రశాంత్ నీల్ ఇప్పుడు తారక్ ను సెట్స్ పైకి తీసుకుని వెళ్లేందుకు అన్ని ఏర్పాట్లు చేస్తున్నాడు. మైత్రీ సంస్థ ఆగష్టు 9న పూజా కార్యక్రమం నిర్వహించబోతున్నట్లు చిత్ర బృందం నుంచి సమాచారం అందింది.
ఆర్ఆర్ఆర్ తో గ్లోబల్ స్టార్ ఇమేజ్ని తారక్ సొంతం చేసుకున్నాడు. ప్రస్తుతం చేస్తున్న ‘దేవర’ అనే సినిమా రెండు భాగాలుగా చేస్తున్న సంగతి తెలిసిందే. మొదటి భాగం త్వరలోనే షూట్ ముగించుకోనుంది. సలార్ నిర్మాతలు సలార్ 2 ను సెట్స్ పైకి తీసుకు వెళ్లే ప్రయత్నంలో ఉన్నారు. కానీ ప్రభాస్ డేట్స్ ఇప్పట్లో దొరికేలా లేవు సలార్ నిర్మాతలకు. డార్లింగ్ ప్రస్తుతం మారుతీ దర్శకత్వంలో రాజాసాబ్ సినిమా షూటింగ్ లో బిజీ బిజీగా ఉన్నాడు. సెప్టెంబరు నుండి హను రాఘవపూడి దర్శకత్వంలో మైత్రీ మూవీస్ నిర్మించే చిత్రం షూటింగ్ లో పాల్గొంటాడు.
వచ్చే ఏడాది ప్రారంభంలో సందీప్ రెడ్డి వంగ స్పిరిట్ సినిమా మొదలు పెట్టబోతున్నాడు. ఆ వెంటనే కల్కి -2 ఉండనే ఉంది. ఇలా ఎటు చూసుకున్నా సలార్ – 2 కు ఇప్పట్లో మోక్షం లేనట్టే కనిపిస్తుంది. ఈ లోగా తారక్ ప్రశాంత్ నీల్ సినిమా రెగ్యులర్ షూట్ స్టార్ట్ మొదలు కాబోతుంది. సో ప్రశాంత్ నీల్ బిజీ అవుతాడు. ఈ సినిమా కూడా రెండు భాగాలుగా రాబోతుంది. తారక్ తో రెండు పార్ట్స్ ఫినిష్ చేసాకే సలార్ -2 ఉంటుందని తెలుస్తుంది.
