టాలీవుడ్ టాలెంటెడ్ యంగ్‌ హీరోల్లో నవీన్ పొలిశెట్టి ఒకరు. నవీన్‌కి ఇటీవ‌ల ఓ ప్ర‌మాదానికి గురికావ‌డంతో గాయాల‌పాలయ్యాడు. అయితే, త‌నకు జ‌రిగిన ప్ర‌మాదం గురించి ఈ యాక్ట‌ర్ ఓ వీడియో రూపంలో అసలేం జరిగింది, త‌న ప‌రిస్థితి ఇప్పుడు ఎలా ఉంది అనే విషయాల గురించి అభిమానుల‌తో పంచుకున్నాడు. అయితే, తాజాగా నవీన్ పొలిశెట్టి మ‌రో వీడియోతో అభిమానుల ముందుకు వ‌చ్చాడు.
అయితే, ప్ర‌స్తుతం త‌న చెయ్యి ఫ్రాక్చ‌ర్ కావ‌డంతో నవీన్ ఇంటిలోనే ఉంటున్నాడు. ఈ క్ర‌మంలో త‌న ప‌రిస్థితిపై తానే సెటైర్ వేసుకునేలా ఓ ఫ‌న్నీ వీడియోను సోషల్ మీడియాలో అభిమానుల ముందుకు తీసుకుని వచ్చారు. దీంతో అత‌డికి రోజూవారి లైఫ్ లో ఒక చెయ్యి ప‌నిచేయ‌క‌పోవ‌డం ఎంత కష్టంగా ఉందో చాలా ఫ‌న్నీగా తెలిపాడు.
ప్ర‌స్తుతం ఈ వీడియో నెట్టింట వైరల్ గా మారింది. ఇక తాను ప్ర‌స్తుతం కోలుకుంటున్నాన‌ని.. త్వ‌రలోనే అభిమానుల ముందుకు వ‌స్తాన‌ని తెలియజేశాడు.
