రామ్ పోతినేని తాజాగా నటించిన సినిమా డబుల్ ఇస్మార్ట్. ఈ సినిమా రామ్, పూరి కలయికలో వచ్చిన బ్లాక్‌ బస్టర్‌ సినిమా ఇస్మార్ట్ శంకర్‌ కు సీక్వెల్‌ గా వస్తున్న సంగతి తెలిసిందే. ఇప్పటికే విడుదలైన ఈ సినిమాలోని పాటలు, గ్లింప్స్‌ విశేషంగా ఆకట్టుకున్నాయి. ముఖ్యంగా మార్ ముంత చోర్ చింతా అంటూ సాగే సాంగ్ అయితే అభిమానులకు మంచి కిక్‌ ఇచ్చిందనే చెప్పుకోవచ్చు.
స్కంద సినిమా ప్లాప్‌ కావడంతో ఆగస్టు 15న విడుదల కానున్న డబుల్ ఇస్మార్ట్ పై అభిమానులు ఎన్నో అంచనాలు పెట్టుకున్న సంగతి తెలిసిందే. ఒకవైపు డబుల్ ఇస్మార్ట్ విడుదలకు సిద్దం అవుతుండగా…మరో క్రేజీ ప్రాజెక్టుకు కూడా ఒకే చెప్పేశాడంట. ‘మిస్ శెట్టి మిస్టర్ పోలిశెట్టి’ సినిమా ద్వారా టాలీవుడ్ లో అడుగు పెట్టి తొలి చిత్రంతోనే సూపర్ హిట్ కొట్టాడు డైరెక్టర్‌ మహేష్. కాగా ఈ దర్శకుడు రెండవ చిత్రంగా రామ్ పోతినేనికి కథ వినిపించాడని ఇండస్ట్రీ టాక్.
ఈ చిత్రం మల్టీస్టారర్ గా తెరకెక్కబోతుందని నందమూరి బాలకృష్ణ ముఖ్య పాత్రలో నటిస్తున్నట్టు వార్త వినిపిస్తోంది. ఎమోషనల్ డ్రామా నేపథ్యంలో హ్యూమర్ టచ్ ఉండేలా సాగే ఈ చిత్రాన్ని మైత్రీ మూవీస్ నిర్మించనున్నట్టు సమాచారం. దీంతో రామ్ అభిమాను ఫుల్ ఖుషి గా ఉన్నారు. ‘గాడ్ అఫ్ మాస్ బాలయ్య’, ఎనర్జిటిక్‌ స్టార్‌ రామ్ కలిసి నటిస్తే ఫుల్ మీల్స్ పెట్టినట్టు ఉంటుందని, ఈ చిత్రం రామ్ కెరీర్ లో బెస్ట్ సినిమాగా మిగులుతుందని రామ్ అభిమానులు అనుకుంటున్నారు.
కాగా బాలయ్య ప్రస్తుతం బాబీ దర్శకత్వంలో యాక్ట్‌ చేస్తున్న సంగతి తెలిసిందే. రామ్ మల్టీ స్టారర్ సినిమాలో నటిచడం కొత్తేమి కాదు గతంలో విక్టరీ వెంకీతో ‘మసాలా’ సినిమాలో నటించాడు.
