ఈ మధ్య కాలంలో సినిమాల్లో ఏ చిన్న విషయం జరిగినా అది నెక్ట్స్‌ మినిట్‌ సోషల్‌ మీడియాలో వెంటనే ప్రత్యక్షమైపోతుంది. ఈ విషయంలో చాలా ఈజీగా మూవీ మేకర్స్‌ ట్రోలర్స్ కి దొరికిపోతున్నారు. ఈ నేపథ్యంలోనే తాజాగా విడుదల చేసిన దేవర సినిమా పోస్టర్ గురించి రకరకాల ట్రోల్స్ మొదలయ్యాయి. అసలు విషయం ఏమిటంటే దేవర సినిమా సెప్టెంబర్ 27వ తేదీన ప్రేక్షకులు ముందుకు రాబోతున్న సంగతి తెలిసిందే. ఈ నేపథ్యంలో ప్రమోషన్స్ కూడా మొదలుపెట్టింది. మిగతా సినిమాలతో పోలిస్తే ప్రమోషన్లలో దేవర సినిమా కాస్త వెనకబడే ఉందని చెప్పుకొవచ్చు.
తాజాగా ఈ సినిమాకి సంబంధించిన సింగిల్ ఐదో తేదీన విడుదల చేయబోతున్నామంటూ చిత్ర బృందం ఓ పోస్టర్ ను విడుదల చేసింది. ఆ పోస్టర్లో జాన్వీ కపూర్ ఎన్టీఆర్ ఇద్దరూ హగ్ చేసుకుని ఉన్నట్టు కనిపిస్తోండగా ఒక మంచి రొమాంటిక్ పోజ్ లో నిలబడి అభిమానులకు కనిపిస్తున్నారు. అయితే ఈ పోస్టర్ ఎడిటింగ్ విషయంలో మాత్రం ట్రోల్స్ విపరీతంగా మొదలు అయ్యాయి. అదేంటంటే ఎన్టీఆర్ కాళ్లు ఈ పోస్టర్ లో ఎక్కడ ఉన్నాయో తెలియడం లేదు.
దీంతో పెద్ద ప్రొడక్షన్ హౌస్, ఒక పాన్ ఇండియా హీరో, బాలీవుడ్ నుంచి తెచ్చుకున్న హీరోయిన్ లు ఉండగా పోస్టర్ విషయంలో ఇంత అజాగ్రత్తగా ఎలా ఉన్నారో అంటూ అభిమానులతో పాటు సామాన్య నెటిజన్లు కూడా మూవీ మేకర్స్‌ ని ప్రశ్నిస్తున్నారు. నిజానికి ఇంతకుముందు విడుదల చేసిన పోస్టర్లో కూడా ఇదే పొరపాటు జరిగిందని… దాన్ని ఇప్పుడు కూడా సరిహద్దుకోకపోతే ఎలా అని కామెంట్ల మీద కామెంట్లు వినిపిస్తున్నాయి.
