పాన్ ఇండియా స్టార్ హీరోయిన్ సమంత కేవలం సినిమాల్లో మాత్రమే కాకుండా పలు వెబ్ సిరీస్ లు కూడా చేస్తున్న సంగతి తెలిసిందే. ఆమె నటిస్తున్న ఈ వెబ్ సిరీస్‌లలో మోస్ట్ అవైటెడ్ వెబ్ సిరీస్ ఏదైనా ఉంది అంటే అది కచ్చితంగా హాలీవుడ్ స్పై థ్రిల్లర్‌కి రీమేక్‌గా వస్తున్న ‘సిటాడెల్’ అనే చెప్పుకోవాలి. ఇంగ్లీష్‌లో ‘సిటాడెల్’గా వస్తే ఇండియన్ వెర్షన్‌లో ఇది ‘సిటాడెల్ – హనీ బన్నీ’ సిరీస్‌గా రాబోతుంది.
ఇక ఇందులో సమంతతో పాటు బాలీవుడ్ హీరో వరుణ్ ధావన్ ప్రధాన పాత్రలో నటిస్తున్న సంగతి తెలిసిందే. ‘ఫ్యామిలీ మ్యాన్’ వంటి బ్లాక్‌బస్టర్ సిరీస్‌ను తెరకెక్కించిన దర్శకులు రాజ్ అండ్ డీకే లు దీనికి దర్శకత్వ బాధ్యతలు వహిస్తున్నారు. ఈ సిరిస్‌ను ఎప్పుడో మొదలు పెట్టినప్పటికీ విడుదల ఎప్పుడనేది మాత్రం ఇంకా కన్ఫర్మ్ కాలేదు. కానీ, ఎట్టకేలకు గురువారం దీని గురించి మూవీ మేకర్స్ పెద్ద అనౌన్స్‌మెంట్‌ ని ఇచ్చారు. సమంత, వరుణ్‌లపై ఒక ఇంట్రెస్టింగ్ టీజర్‌ని సాలిడ్ యాక్షన్, థ్రిల్లింగ్ ఎలిమెంట్స్‌తో నింపేసి ఈ వెబ్ సిరీస్‌పై అదిరిపోయే అంచనాలను పెంచేశారు.
ఈ సిరీస్ విడుదల తేదీ ని కూడా మేకర్స్ తెలియజేశారు. నవంబర్ 7 నుంచి ఈ వెబ్ సిరీస్ స్ట్రీమింగ్‌కి రాబోతున్నట్లు సమాచారం. ప్రస్తుతానికి ఒక్క హిందీ వెర్షన్‌లోనే మేకర్స్ దీనిని ప్రకటించారు. కానీ, ప్రైమ్ వీడియోలో గత సిరీస్‌ల తరహాలోనే ఇది కూడా పాన్ ఇండియా భాషల్లోనే వచ్చే ఛాన్స్ కనిపిస్తుంది.
