టాలీవుడ్ స్టార్ హీరోలలో ఒకరైన యంగ్‌ టైగర్‌ జూనియర్ ఎన్టీఆర్.. ప్రస్తుతం దేవర, వార్ 2 లాంటి పాన్ ఇండియా సినిమాలతో ఫుల్‌ బిజీగా ఉన్న విషయం తెలిసిందే. ప్రస్తుతం ఈ సినిమాల షూటింగ్స్ లో తారక్ తీరిక లేకుండా పాల్గొంటున్నాడు. అయితే రీసెంట్ గా ఎన్టీఆర్ లిస్ట్ లో ఓ కొత్త దర్శకుడు కూడా చోటు సంపాదించుకున్నాడని, మొదటి సినిమాతోనే ఆడియన్స్ ను ఆకట్టుకున్న అతనికి తారక్ అవకాశం ఇచ్చినట్లు టాక్‌ నడుస్తుంది.
ఇంతకీ అతనెవరో కాదు ‘హాయ్ నాన్న’ సినిమాతో హిట్‌ కొట్టిన డైరెక్టర్‌ శౌర్యువ్.. ఇతనితో ఎన్టీఆర్ సినిమా చేయనున్నట్టు కొంతకాలం క్రితం వార్తలొచ్చాయి. ఈ విషయంపై తాజా ఇంటర్వ్యూలో శౌర్యువ్ క్లారిటీ ఇచ్చారు. స్క్రిప్ట్ కోసం మీరు జూనియర్ ఎన్టీఆర్‌ని సంప్రదించారా? అన్న ఓ ప్రశ్నకు ఆయన స్పందించారు. అయితే ఈ వార్తల్లో ఎలాంటి నిజం లేదు.. అసలు ఈ టాక్‌ ఎలా వచ్చిందో కూడా నాకు తెలియడం లేదు.. ఇదంతా తప్పుడు సమాచారం.
అయితే ఏదో ఒక రోజు ఇది నిజం కావాలని నేను కూడా కోరుకుంటున్నా” అంటూ చెప్పుకొచ్చారు. ఇక శౌర్యువ్ దర్శకత్వంలో నేచురల్ స్టార్ నాని హీరోగా తెరకెక్కిన ‘హాయ్ నాన్న’ సినిమా విమర్శకుల ప్రశంసలు అందుకున్న సంగతి తెలిసిందే. ఈ సినిమాతో ఆయన ప్రేక్షకులను అలరించడంతో పాటు, తన దర్శకత్వ శైలిని చూపించారు.
