యంగ్‌ ఎనర్జీటిక్ హీరో రామ్ పోతినేని కథానాయకుడిగా, దర్శకుడు పూరి జగన్నాథ్‌ డైరెక్షన్ లో రాబోతున్న డబుల్ ఇస్మార్ట్ సినిమా పై భారీ అంచనాలు ఉన్నాయి. ఈ సినిమాలో బాలీవుడ్‌ నటుడు సంజయ్‌ దత్‌ ప్రతి నాయకుడిగా కనిపించబోతున్న సంగతి తెలిసిందే.
బ్లాక్‌బస్టర్ ఇస్మార్ట్ శంకర్‌కి సీక్వెల్ రాబోతున్న ఈ సిక్వెల్ పై అటు రామ్ అభిమానులు, ఇటు పూరి ఫ్యాన్స్ ఎంతో ఆసక్తిగా ఎదురుచూస్తున్నారు. కాగా రామ్ పోతినేని ఈ చిత్రానికి సంబంధించి తన డబ్బింగ్‌ను శరవేగంగా పూర్తి చేశారు. ఈ సందర్భంగా డబ్బింగ్ సెషన్ వీడియోను విడుదల చేశారు మూవీ మేకర్స్. రామ్ తన పాత్ర మాస్ అప్పీల్‌ను హైలైట్ చేస్తూ “మామ మాస్క్ ఉంటే నీకు దొంగడు మాత్రమే కనపడతడు, మాస్క్ లేకుంటే నీకు మిండెడు కనపడతడు” అంటూ చెప్పిన పవర్ ఫుల్, ఇంటెన్షనల్ డైలాగ్ సోషల్ మీడియాలో విపరీతంగా హల్‌చల్‌ చేస్తోంది.
డబుల్ ఇస్మార్ట్ మాస్ అప్పీల్, హై-ఆక్టేన్ యాక్షన్, డ్రామాటిక్ డెప్త్ ఉన్న కథ, కథనాలతో రాబోతుంది. పూరి కనెక్ట్స్ బ్యానర్‌పై పూరి జగన్నాథ్‌, చార్మీ కౌర్ నిర్మించిన ఈ సినిమాలో రామ్ పోతినేనితో స్క్రీన్ స్పేస్‌ను పంచుకుంటూ కావ్య థాపర్ కథానాయికగా యాక్ట్‌ చేసింది. ఈ చిత్రానికి సంగీత మణిశర్మ రూపొందించగా, సినిమాటోగ్రఫీని శ్యామ్ కె నాయుడు , జియాని గియానెలీ సంయుక్తంగా అందించారు. తెలుగు, తమిళం, కన్నడ, మలయాళం మరియు హిందీ భాషల్లో ప్రపంచవ్యాప్తంగా థియేటర్లలో గ్రాండ్‌ గా విడుదల కానుంది డబుల్ఇస్మార్ట్. ఇండిపెండెన్స్‌ డే సందర్భంగా ఈ సినిమా ఆగస్టు 15న విడుదల కానుండడంతో లాంగ్ వీకెండ్ కలిసి వచ్చే అవకాశాలున్నాయి.
