స్టార్ హీరో కమల్ హాసన్ రీసెంట్ గా ‘భార‌తీయుడు-2’ సినిమాతో ప్రేక్ష‌కుల ముందుకు వచ్చి నిరాశ పరిచాడు. ఇక ప్ర‌స్తుతం త‌న నెక్ట్స్ సినిమా పై కమల్ ఫోక‌స్ పెట్టిన సంగతి తెలిసిందే. ద‌ర్శ‌కుడు మ‌ణిర‌త్నం దర్శకత్వం లో ‘థ‌గ్ లైఫ్’ అనే ఇంట్రెస్టింగ్ ప్రాజెక్టులో కమల్ యాక్ట్‌ చేస్తున్న సంగతి తెలిసిందే.
ఇప్ప‌టికే ఈ సినిమా ఫ‌స్ట్ లుక్ పోస్ట‌ర్స్ ఈ సినిమాపై భారీ అంచ‌నాల‌ను క్రియేట్ చేశాయి. స‌రికొత్త లుక్ లో కమల్ క‌నిపిస్తుండ‌టంతో ఈ మూవీ ఎలా ఉండ‌బోతుందా అనే ఆస‌క్తి అందరిలో నెల‌కొంది. ఇక తాజాగా ఈ సినిమాలోకి విలక్షణ నటుడు నాజ‌ర్, న‌టి అభిరామి కూడా ఎంటర్‌ అయ్యారు. ఈ సంద‌ర్భంగా మూవీ మేక‌ర్స్ వారిని సినిమాలోకి స్వాగ‌తం ప‌లికారు.
‘థ‌గ్ లైఫ్’ సినిమాలో భారీ క్యాస్టింగ్ యాక్ట్‌ చేస్తున్న సంగతి తెలిసిందే. ఈ మూవీలో పంక‌జ్ త్రిపాఠి, శింబు, అలీ ఫ‌జ‌ల్, త్రిష, ఐశ్వ‌ర్య ల‌క్ష్మి అశోక్ సెల్వ‌న్, జోజు జార్జ్, ముఖ్య పాత్ర‌ల్లో న‌టిస్తున్నారు.
