మ్యాన్ ఆఫ్ మాసెస్, యంగ్‌ టైగర్‌ ఎన్టీఆర్ హీరోగా బాలీవుడ్‌ ముద్దుగుమ్మ జాన్వీ కపూర్ హీరోయిన్ గా దర్శకుడు కొరటాల శివ తెరకెక్కిస్తున్న భారీ పాన్ ఇండియా యాక్షన్ చిత్రం “దేవర” కోసం అందరికీ తెలిసిందే. మరి ఎన్టీఆర్ పై మంచి మాస్ అవతార్ ని కొరటాల ప్రెజెంట్ చేస్తుండగా అభిమానుల్లో ఫుల్‌ జోష్‌ మొదలైంది.
మరి ఈ సినిమా నుంచి ఇప్పటికే అభిమానుల ముందుకు వచ్చిన మొదటి సాంగ్ సెన్సేషనల్ హిట్ కాగా చాలా రోజులు నుంచి రెండో సాంగ్ కోసం అభిమానులు ఎంతో ఆసక్తిగా ఎదురు చూస్తున్నారు. అయితే ఈ సాంగ్ ఒక డ్యూయెట్ మెలోడీగా ఉంటుందని ఇది వరకే ఓ బజ్ ఉంది. ఇక ఈ సాంగ్ పై సాహిత్య రచయిత రామజోగయ్య శాస్త్రి ఇచ్చిన అప్డేట్ తో ఇపుడు అభిమానులు ఖుషీ అవుతున్నారు.
ఈ సినిమాలో జాన్వీ కపూర్ “తంగం” గా కనిపించబోతున్న సంగతి తెలిసిందే. మరి ఆమె పైనే ఈ సాంగ్ ఉన్నట్టుగా తెలిపారు. “తంగం అంతరంగం హాయిగా ఉయ్యాల ఊగుతున్నట్టు ఉంటుంది ఇప్పుడే విన్నా… అతి త్వరలోనే సాంగ్ వచ్చేస్తుంది అని ఇంట్రెస్టింగ్ అప్డేట్ ఇచ్చారు. దీంతో ఫ్యాన్స్ లో మరింత ఆసక్తి పెరగగా, మరి అనిరుద్ అయితే ఎలాంటి సాంగ్ ని అందించాడో చూడాల్సిందే.
