యంగ్‌ రెబల్ స్టార్ ప్రభాస్ ప్రస్తుతం టాలీవుడ్ లోనే ఎంతో బిజీగా ఉన్న హీరోల్లో ఒకరు. ప్రస్తుతం ప్రభాస్ చేతినిండా సినిమాలున్నాయి. ఇప్పటికే ప్రభాస్ నటించిన కల్కి సినిమా విడుదలై ఇప్పటికీ సక్సెస్‌ ఫుల్ గా రన్ అవుతున్న సంగతి తెలిసిందే. ఇప్పటికే ప్రపంచ వ్యాప్తంగా రూ.1200 కోట్ల మార్క్‌ ను దాటి సక్సెస్‌ ఫుల్ గా రన్ అవుతున్న సంగతి తెలిసిందే.
కల్కి సక్సెస్‌ ని ఇంకా పూర్తిగా ఎంజాయ్‌ చేయకుండానే ప్రభాస్ మరో సినిమాని మొదలు పెట్టేశాడు. ప్రస్తుతం రాజా సాబ్ చిత్ర షూటింగ్ తో బిజీ అయిపోయాడు ప్రభాస్. రాజాసాబ్ సినిమా మారుతీ దర్శకత్వంలో తెరకెక్కుతోంది. పీపుల్స్ మీడియా ఫ్యాక్టరీ అత్యంత భారీ వ్యయంతో ఈ మూవీని నిర్మిస్తోంది.. థమన్ సంగీత దర్శకునిగా వ్యవహరిస్తున్నాడు. సోమవారం విడుదలైన ది రాజాసాబ్ ఫస్ట్ గ్లిమ్స్ సోషల్ మీడియాలో అత్యధిక వ్యూస్ తో రికార్డులు నెలకొల్పింది. ఈలోగా మరో సినిమాలో నటించేందుకు ముహూర్తం ఫిక్స్ చేసేశాడు ప్రభాస్. సీతారామం వంటి హిట్ చిత్రానికి దర్శకత్వం వహించిన హను రాఘవ పూడి రెబల్ స్టార్ తో సినిమా చేయబోతున్నారు.
ఈ చిత్రానికి సంబంధించి కథ చర్చలు ఇటీవలే ముగిసాయి. స్వాతంత్య్రానికి ముందు జరిగిన రజాకార్ల ఉద్యమం నేపథ్యంలో సాగే యాక్షన్ డ్రామా చిత్రంగా రానుంది. రెబల్ స్టార్ కు జోడిగా ముంబై భామను టాలీవుడ్ కి పరిచయం చేయబోతున్నాడు హను రాఘవపూడి. సెప్టెంబరు నుండి ఈ సినిమాని మొదలుపెట్టనున్నారు. మైత్రి మూవీస్ నిర్మించబోయే ఈ సినిమాకు “ఫౌజి” అనే టైటిల్ ను ఖరారు చేసినట్టు తెలుస్తుంది. హను రాఘవపూడి సినిమాలు క్లాస్ ప్రేమకథలు. ప్రభాస్ తో కూడా అటువంటి ప్రేమ కథనే తెరకెక్కిస్తారేమోనని అనుకుంటుండగా, జస్ట్ క్లాస్ టచ్ ఉండే ఊర మాస్ మూవీ అని టీమ్ నుండి సమాచారం.
