ద‌ర్శ‌కుడు సంప‌త్ నంది క‌థ అందించిన ‘ఓదెల రైల్వే స్టేష‌న్’ మూవీ ప్రేక్ష‌కుల్లో మంచి విజ‌యాన్ని అందుకున్న సంగతి తెలసిందే. ఈ సినిమాను ద‌ర్శ‌కుడు అశోక్ తేజ డైరెక్ట్ చేయ‌గా, నేరుగా ఓటిటి ప్లాట్ ఫామ్ ఆహాలో స్ట్రీమింగ్ అయి ప్రేక్షకులను ఆకట్టుకుంది. ఈ సినిమాకు వ‌చ్చిన సూప‌ర్ రెస్పాన్స్ తో ఇప్పుడు మేకర్స్ రెండో పార్ట్ ను కూడా రూపొందిస్తున్న సంగతి తెలిసిందే. ‘ఓదెల-2’ టైటిల్ తో తెర‌కెక్కుతున్న ఈ సినిమాలో మిల్కీ బ్యూటీ తమన్నా మెయిన్ పాత్ర పోషిస్తుంది.
ఈ సినిమాలో శివ‌శక్తి అనే ప‌వ‌ర్ఫుల్ పాత్ర‌లో తమన్నా యాక్ట్‌ చేస్తుంది. ఇక తాజాగా ఈ సినిమా నుంచి ఓ కొత్త పోస్టర్ ను చిత్ర బృందం విడుదల చేసింది. ఇందులో త‌ల‌పై బోనం ఎత్తుకున్న తమన్నా పోస్టర్ తో బోనాల పండుగ శుభాకాంక్ష‌లను మూవీ మేకర్స్ తెలియజేశారు. ఈ పోస్టర్ తో సినిమాపై ఆస‌క్తిని మరింత పెంచిది సినిమా బృందం.
ఇక ఈ సినిమా షూటింగ్ ప్ర‌స్తుతం రామోజీ ఫిలిం సిటిలో వేసిన భారీ మ‌ల్ల‌న్న స్వామి ఆల‌య సెట్ లో జరుగుతున్నట్లు సమాచారం. ఈ సినిమాలో హెబ్బా ప‌టేల్, వ‌శిష్ట సింహా, యువ, నాగ మ‌హేష్, వంశీ త‌దిత‌రులు ఇత‌ర ముఖ్య పాత్ర‌లు చేస్తున్నారు.
