మాస్ రాజా ర‌వితేజ న‌టిస్తున్న తాజా చిత్రం ‘మిస్ట‌ర్ బ‌చ్చ‌న్’ ఇప్ప‌టికే ప్రేక్ష‌కుల్లో సాలిడ్ అంచ‌నాల‌ను క్రియేట్ చేసిన సంగతి తెలిసిందే. ఈ సినిమాను ద‌ర్శ‌కుడు హరీష్ శంక‌ర్ డైరెక్ట్ చేస్తుండగా..ఈ సినిమా బాక్సాఫీస్ ద‌గ్గ‌ర ఎలాంటి హిట్ అందుకుంటుందా అని అంద‌రూ ఎంతో ఆస‌క్తిగా చూస్తున్నారు. ఇక ఈ సినిమాలో ర‌వితేజ మ‌రోసారి త‌న మాస్ యాక్ష‌న్ తో ప్రేక్ష‌కుల‌ను మెస్మ‌రైజ్ చేయ‌డానికి రెడీ అయినట్లు తెలుస్తుంది.
ఇప్ప‌టికే షూటింగ్ ముగించుకుని పోస్ట్ ప్రొడ‌క్ష‌న్ ప‌నుల్లో బిజీగా ఉన్న ఈ సినిమా నుండి మేక‌ర్స్ తాజాగా ఓ అదిరిపోయే అప్డేట్ ను ఇచ్చారు. ఈ సినిమాలోని త‌న పాత్ర‌కు మాస్ రాజా ర‌వితేజ డబ్బింగ్ పూర్తి చేసుకున్నారంట. దీనికి సంబంధించిన ఓ వీడియో గ్లింప్స్ కూడా విడుదల చేశారు. ఈ గ్లింప్స్ లో ర‌వితేజ నోటి వెంట ఓ ప‌వ‌ర్ఫుల్ డైలాగ్ వినిపిస్తుంది.
